enemy 發表於 2011-10-24 11:36
我又中埋毒喇!!!我呢個新手新到啲皂都未用得,而家又想開工整唇膏
我應該會跟jellyfishy 的配方:
enemy 咁乖有刨文呀~ 十個讚~~
等我試下答先:
Q1: 蜜蠟在材料行同蜂場的氣味同形狀各有不同,用材料行的好還是蜂場的比較好??
Ans: 蜂場蜜蠟天然最raw,好香架,但好多雜質,要留意這點.材料行不要買內地製個d,又係唔知加左乜料.我自己用開德國或澳洲出個d,米米地色細細粒,好易用又易量,新手啱用.
Q2: coconut oil同almond oil係咪指在 ”城市超級” 買可食用嗰啲? coconut oil買精製係咪較初榨會好啲?
做唇膏千萬別貪平,coconut oil 和sweet almond oil 要食用級.我平時用有機cold press 個隻coconut oil, 鍾意佢清香的椰子味,精製個d唔一定有味,但大多有陣炒野味,我唔鍾意.sweet almond oil 就無話食用級,但一般大行賣的都ok~
Q3: 如果想潤啲係咪加入乳木果脂? 可以加幾多g? 減coconut oil定sweet almond oil?
小心油脂有不同質地和硬度,即係固體化後佢有幾硬,如果軟油多,就要下多些beewax, 刨下文你會發現多d架.
我常用的油,都知少少既,俾你參考:
coconut oil, 硬,又有少少glossy,滑.
sunflower oil, 軟,笠,但潤過coconut oil.
sweet almond oil, 軟,薄,易吸收,所以會比較快re apply.
jojoba oil, 軟,滑,glossy,保濕持久.
olive oil, 一般硬,extra virgin不同牌子不同味,可能有陣青草味,買時要留意.保濕.笠笠地.
shea butter,好硬,保濕持久.
Q4: Vit. E係咪買softgel嗰啲藥丸呀? 如果係藥丸,唔同牌子的”IU Per Serving”都唔同, 買高啲好定低啲好?
食得個d一般都ok~
Q5: “待冷加入精油” 其實係指冷到咩程度??
其實好難待冷,因為一冷就會固體化.我一般會離火就下精油,免得一下精油就揮發掉.
Q6: 跟呢個配方要買幾多個唇膏筒呀?
第一次做,唔好做太少,因為好易量錯和好難做少量架,最少都廿支啦,你會發現廿支都好快無晒,因為個個親友都鍾意麻~ |