sorry, 3個都投唔落手
唐~~~長相討厭乞人僧, 做第2 第3把手時已搵有利益自己嘢去做, 俾佢做到一區之首咪可呼風喚雨 到正經要佢辦事又無能, 就連唔駛佢做只係出嚟講吓嘢都低低能能口窒窒 e.g. 纜車360英文~~~讀作"3 look ling"死未, 車毀人亡論
梁~~~佢好關心時事, 關心低下層, 係咪出於真心定攞人心?! 但有樣嘢係真嘅, 就係個人講說話唔老實. 早年自己已經部署選特首, 記者多次問佢, 自己講到嚟緊日子幾時幾時都唔會(詳情唔記得佢點講, 請好記性人補充) 宜家呢, 就話廚房幾熱都有有心人撲入去. 我會覺得未係時候唔回應冇問題, 唔好講到有生之年都唔會咁樣, 到宜家連班底都有埋. 俾佢做到, 咪又係出嗰招用說話呃住你, 到要做起事嚟咪又做唔嚟.
范~~~形象正面公正嚴明樣, 正因為做咗幾年立會主席, 要公正唔駛表態左中右, 咁究竟佢做起事嚟個心入面係幫市民定聽中央話~~~見唔到. 3個之中原本會選范, 但早排有人問佢你會參選嗎? 又係話唔會, 之後又話俾我2個月時間考慮, 由唔會到考慮用短短2個月可做到決定. 我會覺得佢個人都係口是心非, 根本一心想選, 出嚟同人講2個月只係想放風組班. (((聽佢講俾2個月我休息然後諗諗, 呢句說話已表明心跡, 如果一路都冇意去選, 應該好快有決定, 仲駛鬼考慮)))
所以話呢, 3個點選得落. 不過, 都係唐架啦! 中央喜歡連商界都講到出口撐, 知道唐廢啫, 中央話仲好夠聽話, 唔駛你做決定, 等我幫你搵d智囊附助你囉. |