鹽和雞粉的疑惑

最近發現好多朋友炒菜,煮餸落雞粉,唔落鹽,佢地話健康啲,好味啲
我自己感覺好似怪怪地,會唔會係我落後左?
唔係越少古靈精怪"立"雜嘢.越好咩?
古代已用鹽調味,有問題 ?
還是兩樣都冇問題,純粹個人喜好 ?
食雞粉比食鹽好?

鹽本身無咩問題,只係o的人落得太多,同埋日常精制食品一般都有鹽,所以咪容易食多o左lor,無啦啦變o左影響健康的食品.........

另雞粉即係有雞味的味精,只不過好多人淨係識睇廣告,唔願睇標籤o者.......
你望下佢個成份表就知佢有幾多人工合成o野~

佢地唸緊電視對白呀....係電視咁講架...佢地咪跟住講囉....

我會將味精、雞精、牛精、菇粉(素食調味粉)睇做同一樣野...

因為我一食味精隻腳就有反應...而以上既野...我隻腳反應係一樣既...

睇睇依個blog  佢都有講...

雞粉含味精

我覺得D人講雞粉有益過鹽...可以咁解讀既...雞含有鹽無既蛋白質囉.....(不過卻附加防腐劑)

不過見食物標籤，鹽排第一味精排第三，如果以為佢健康唔怕落多D....哈..哈...哈....

[佢成份有雞肉同雞蛋，市面一般非有機養既雞同雞蛋，激素含量都唔低呀....昨晚又睇到新聞...八歲女童乳房有C cup呀，懷疑係食太多炸雞引致[性早熟]，性早熟會導致提早停止發育架...即人仔細細，生理過程，無輪開花結果都係身體未有充足準備下進行，當然，亦會較早進入衰退期....]

我煮菜什麼都唔落。其實菜本身已經好鮮味啦。

中了廣告毒﹗總之有什麼賣不出滯銷的找個姐仔賣廣告就好快可以清貨。現在的人好多都患了腦便秘。

食鹽不健康，因為佢含有 鈉，吸收 鈉 容易令血壓上升。
食鹽之所以被認為不健康，因為佢含有鈉，吸收 鈉 過多容易令血壓上升。

鹽 = 氯化鈉 (含鈉40%)
味精= 谷氨酸鈉 (含鈉13%)

照牌面睇，味精含鈉比鹽少，但實際使用會唔會用多咗唔知呢？要大家小心使用喇。

因為 谷氨酸 是蛋白質成份的一種，亦如其他高蛋白質食物一樣會引起部份人仕敏感，所以有人會對味精有反應。

正如對花生敏感的人不應食花生，對味精敏感的人不應食味精，我覺得這是個人的問題，其他人不須因噎癈食。其實好多問題都是在不知情下在食店攝取過多味精，我覺得中式餐館對於容易致敏食材(包括花生)太大意，應該有適當的 warning。(再說下去要離題了)

唔同意食鹽不健康,鈉是人體必需的礦物質營養素,問題只係食得太多~

佢廣告出得好叻,唔算誤導的~
因為佢由頭到尾都係focus on 鹽(鈉)!(無講其他添加物)
佢個網頁都有講,
食得多鹽=唔健康
同100g鹽比較,100g雞粉少62%鹽同56%鈉(用其他唔係鹽的"物件"同鹽去比較,得出鹽的成份較低,呢點幾抵死)
所以佢少鹽咪即係健康o的lor~

但係好多想用雞粉代鹽嘅人都會因為覺得唔夠咸而落多咗。總之一人一日建議攝取量係1200 - 1400mg （如果冇記錯），與其攪咁多嘢，不如慣性輕手d同善用香料來豐富味道啦！不過呢度個個自己種菜都會明啦，落太多調味會浪費了自己的寶貝。

呢個廣告出街時已發覺好有問題, 仲覺得個電視廚人接呢個咁嘅對白都可以講得出口.  乜真係有人信個廣告?????  廣告個威力真係緊要, 但唔明白點解有人會相信味精較鹽健康,  個人嘅判斷能力去咗邊