求救！彩葉芋變黃

這棵水培是新買的，一天後有一塊葉突然變全黃...看過網上資料，不宜暴曬，因此放室內，有微微陽光照射..不知是太少陽光，還是夜晚開冷氣太凍？

水栽芋放嘅地方要夠光猛，
每星期換一半水最好加小小淡水裁植物肥，
同埋都要一段時間適應環境，
葉黃葉枯都係正常，
慢慢會再生返靚呢！

freddywongdy 發表於 2020-7-27 15:32
水栽芋放嘅地方要夠光猛，
每星期換一半水最好加小小淡水裁植物肥，
同埋都要一段時間適應環境，

多謝解答我再試試先！

lalala_plants 發表於 2020-7-27 15:58
多謝解答我再試試先！

唔駛太緊張，哩隻好粗生架！

freddywongdy 發表於 2020-7-27 16:40
唔駛太緊張，哩隻好粗生架！

今朝起身見到真係嚇一跳架...明明啲葉好靚架麻心都痛... 我太新手了，好彩你提一提，等我俾多啲耐性等佢適應環境先

lalala_plants 發表於 2020-7-27 16:51
今朝起身見到真係嚇一跳架...明明啲葉好靚架麻心都痛... 我太新手了，好彩你提一提，等我俾 ...

放輕鬆，睇住一枯一榮本是樂趣啦！

呢幾日我默默欣賞呢塊葉枯去，見佢應該差唔多到終點喇，我應該剪走佢定由得佢自然枯萎脫落？

剪走枯葉，留營養長新葉吧!

樓主，你嘅彩葉芋依家狀況如何？Fred 大真係博學，版版都有你 ：）

mkpetpet 發表於 2020-12-28 10:33
樓主，你嘅彩葉芋依家狀況如何？Fred 大真係博學，版版都有你 ：）

我八卦姐！

樓主可以留意，種滿一年以上的彩葉芋球莖會長出小球，到時把這些小球分下來風乾一天後，又能長成新一棵株了。
總之，球在花在，即使葉掉光仍可存活，樓主加油！

mkpetpet 發表於 2020-12-28 10:33
樓主，你嘅彩葉芋依家狀況如何？Fred 大真係博學，版版都有你 ：）

自從嗰次，由五塊葉枯到得三塊，再枯再生，keep住都係三塊，同埋啲葉大唔到，好細塊。放窗邊半日光，無浸全根，但根球都好易生青色野同發黑...最近天氣凍，枯哂

lalala_plants 發表於 2021-1-3 00:52
自從嗰次，由五塊葉枯到得三塊，再枯再生，keep住都係三塊，同埋啲葉大唔到，好細塊。放窗邊半日光，無浸 ...

可以把球挖起置太陽曬不到的地方風乾一日，等春天種新埋土中和給水，便能重新長葉。
王子教路，挖起種球，斷水休養一排後重種會比之前更美。

我妹妹上年種的黑葉芋都試過枯到無哂葉，以為佢死咗，幾個月後淋番水又復活起來。
她在土中加了鐵粉（從生銹釘取出些少銹粉），葉色持續光澤。

叻叻、好勁。