蘭花黑根病？

pic-1

pic-2

小弟最近在天台開始種蘭花，因初學又唔想咁快洗太多錢，所以就貪平買了十多盆$10的蝴蝶蘭(花快謝那些)。

現在有四盆出現上圖的病症，請問各位這是什麼病，應如可處理。

種植過程：

1. 在四至五月分多次購買。
2. 初期的處理不太好....剪爛根後殺菌不夠指細，太快曬太陽(8:00-11:30am)和太多水(每天自動灑水)等。
3. 在參看貴板後、已用百菌清和重新放置植料。用泥盆(蘭石+中樹皮粒)
4. 大部份已經長出新的根和葉。而它們都習慣了天台的陽光。
5. 但是其中四盆的根總是長不出來，就算有根都是很快變黑和枯死。而葉子亦有乾枯和脫落的情況。
6. 在上星期有一棵掛掉了...................


謝謝！

疑似被窩牛 or 小強咬根
清洗同消毒剎菌後重新種過,在植料表面加幾粒窩牛藥可避免根再被咬,地面用稀釋漂水清洗下
重新種置蔭涼位,人手淋水

謝謝你，真想不到是窩牛…
雨後真的有些窩牛，蛞蝓等在四處走動。

我認為係因為你買既時候植株已被細菌/真菌感染而難左根
下次如果再買既時候我建議你可以唔好由葉既健康程度同埋留意下d根既狀態去選購
健康既蘭花葉應該係厚實d同埋硬d既
面根方面應該睇下佢既顏色,好既根係翠綠d既,如果係有黑色既就記住唔好買la,因為多數已經有病
好快玩完.
加油...
不過其實我都係新手,如果有咩講錯左,望其他c兄姐指正

謝謝！其實當初是因為前年買的蘭花開完之後、種了一年又開花；而且花期又長。
所以才想買些$10元(有花)、$5(蘭頭)來種。
回想自己的知識實在不足，現在生長較好的蘭花其實差不多都曾經死了很多葉(枯死、曬死、有菌/腐爛剪掉...)好在大多都長了強健的新葉。

至於黑根的3棵，我會盡力使它們回複生機。

simple1 發表於 2011-8-2 10:06
謝謝！其實當初是因為前年買的蘭花開完之後、種了一年又開花；而且花期又長。
所以才想買些$10元(有花)、$5 ...

其實我之前都係咁,
果時覺得自己有能力可以將只有葉既種到出花,
所以一買就買左3棵返黎
點知第一個星期已經有2棵玩完左
之後我就發現左佢地有以上既特徵,所以又學到野
仲有一棵就種到e加,都差唔多半年,耐唔耐都有落肥,d葉都幾壯,但係就未有開過花


(ps,麻煩下次有回覆既話,請用引用黎回覆,會較易留意到樓主你比我既回覆,thx~)

simple1 發表於 2011-8-2 10:06
謝謝！其實當初是因為前年買的蘭花開完之後、種了一年又開花；而且花期又長。
所以才想買些$10元(有花)、$5 ...

其實十元或五元的蘭頭也有好野，揀d葉唔皺，根唔縮，植株冇黑色斑，那以經唔錯。

10幾棵＄10蘭頭都夠係上X買棵V仔了。。。仲要易開易種有香味。。