新手種羅勒同薄荷問題??

我想問薄荷係唔係要淋多D水呀???
因為我聽晚淋左....今日佢死曬咁....不過我淋返水...佢一陣又直返曬-口-....嚇死我= =

同羅勒係唔係要剪佢最頂個D呀??但我買返黎個陣佢有好多葉比我剪左.....咁我仲剪唔剪佢頂個D好呀????

請各位師巳師姐幫幫我!~~!唔該!~

一係本身泥太乾,水沒被吸收就流走哂~試下直接丟盆野去腰水幾個字再拎番上黎
二可能係太大太陽,好快曬乾~
其實薄荷粗生到爆~土乾加水就得


貌似大部份香草都要cut頂芽 (?

031504 發表於 2011-6-17 03:26
一係本身泥太乾,水沒被吸收就流走哂~試下直接丟盆野去腰水幾個字再拎番上黎
二可能係太大太陽,好快曬乾~
其 ...

買番黎有無換過盆?一般買番黎D香草都會泥少香草多...換個大D盆會好D....

依幾日落雨....乾得咁快...可能泥土唔吸水....又係建議換泥....

淋水呢...要淋透....即係面...底有水出....如果盆土太乾....淋透左等一陣間淋多一次....

另外....難淋透既盆栽...放水盆比佢由下面吸水上面係好好用架....

如果你買果盆係普通薄荷....剪唔剪頂無乜所謂...因為佢會生跳根...自己繁殖....
薄荷如果係健康既....你就算剪剩根頭...隔一排佢又會生到一大堆.....唔怕剪....仲要剪狠D添....



只要根系良好....就算咁少葉....隔一排一樣生到好靚...

泥...我唔知應該點做....係唔係要溝呀>??

薄荷愈剪愈靚

nekokaren 發表於 2011-6-18 17:32
薄荷愈剪愈靚

你盆薄荷好靚

請問點處理勁多的薄荷走莖?

cklife 發表於 2011-6-17 07:59
買番黎有無換過盆?一般買番黎D香草都會泥少香草多...換個大D盆會好D....

依幾日落雨....乾得咁快...可能 ...

= =我向Pinkcat交換的羅勒這兩天沒曬太陽好像快死一樣有救嗎?

盆我換了肥也加了~但好像還是快死一樣>.<


今天終於出了太陽,晚上回去看看他會否美一點先...

還有其實薄荷種子種起要多久?.?
我yahoo買種子的,說實粉怕是死種= =

(路人甲:呆月,你是在問問題多過回應人喔!)

寧望月 發表於 2011-6-18 17:57
= =我向Pinkcat交換的羅勒這兩天沒曬太陽好像快死一樣有救嗎?

盆我換了肥也加了~但好像還是快死一樣>.<

有相嗎?

不知你的盆和泥是什麼狀況.....

加肥是怎麽樣加的...是加熟肥嗎?



我又放我既薄荷


薄荷我從來未試過用種籽種....
真係怕種死?....去街市買幾蚊新鮮薄荷番黎....
搵幾條老身少少枝條...放入水杯插水生根....
有根再入泥種.....

本地品種比較適合香港天氣......粗生到爆...種得生本地品種...想種其他品種就比較有經驗...咪無咁易死囉...


網聚分享既薄荷枝條(唔肯定品種...話好似係綠薄荷)，浸出根喇...


入泥...初初兩日垂葉，第三日企番起身....又種生左..



學人整左個香草拼盆....


做實驗既薄荷盆...

cklife 發表於 2011-6-18 18:31
有相嗎?

不知你的盆和泥是什麼狀況.....

睇黎你是溥荷迷黎.種咁多

cklife 發表於 2011-6-18 18:31
有相嗎?

不知你的盆和泥是什麼狀況.....

沒相機~有兩枝，一枝小的葉今天全謝了= =
大的好像好了好多，但葉邊有點乾正常嗎？
我下的肥是古早肥。。。唉好煩~ ~

^N^ 發表於 2011-6-18 20:12
睇黎你是溥荷迷黎.種咁多

我唔係薄荷迷...因為我種黎食...所以要種多D...

我仲會種多D...晾乾佢入樽...做花茶或感冒時用。

寧望月 發表於 2011-6-18 22:09
沒相機~有兩枝，一枝小的葉今天全謝了= =
大的好像好了好多，但葉邊有點乾正常嗎？
我下的肥是古早肥。。 ...

睇唔到相真係好難講...

你睇下羅勒枝莖近泥土位有無變左色...如果有..應該係泥唔去水...黑腳喇....
咁既話...可能D根都浸爛左...你用咩泥?買番黎有無溝野?

古早肥係熟肥...應該無問題...

暈小的那枝D根都浸爛。。。全黑色= =
剛看過了，根部的泥沒打鬆全超濕著的浸住= =
哭。。。大的根部都有點發黑了

請問 巧克力薄荷 的種法是不是一樣的?我的是網友送我分枝,用泥上盆後中午一見太陽它會變得全軟,但沒太陽時他又企直返到底是什麼事了?

swaitong 發表於 2011-6-19 12:59
請問 巧克力薄荷 的種法是不是一樣的?我的是網友送我分枝,用泥上盆後中午一見太陽它會變得全軟,但沒太陽時 ...

未生好根的薄荷最好不要直接曬太陽，生定了再曬也不遲

寧望月 發表於 2011-6-18 17:57
= =我向Pinkcat交換的羅勒這兩天沒曬太陽好像快死一樣有救嗎?

盆我換了肥也加了~但好像還是快死一樣>.<

薄荷種子雖然細，但其實我種過幾次都覺得唔難種的。有幾項事可能要注意。

1.種子不要蓋泥土，放左泥面就可以了。
2.保持泥土濕潤(如果可以就用噴壺，不怕沖走種子)，如果可以的話可以用保鮮紙蓋住盆栽
3.不要亂動手去搞盆栽，耐心一點去等就可以了，最快我試過7天就見到小綠點了，不過有時需要兩個星期都不定。

只要薄荷發芽，就很容易管理了。加油

奶爸 發表於 2011-6-19 21:03
薄荷種子雖然細，但其實我種過幾次都覺得唔難種的。有幾項事可能要注意。

1.種子不要蓋泥土，放左泥面就 ...

是我羅勒出問題。。。薄荷到現在影都未見

luffy 發表於 2011-6-18 17:39
你盆薄荷好靚

請問點處理勁多的薄荷走莖?

唔理佢,或者唔順眼就剪

swaitong 發表於 2011-6-20 08:33
用水浸左幾日出左根先入泥,依家我放係比較陰暗既地方正常返,要等幾耐同點樣先知道出出返d根? ...

有根入泥...初入泥幾日唔好直接曬太陽...放係有散射光既地方(又唔洗陰暗既~~)，睇下佢根有幾多囉..如果只係少少光...最好一星期後先正常養佢.....要生夠根先吸到水嘛..

如果入泥時根己經唔少...我經驗係大概三、四日就可以放出去。初初時唔好比佢曬太耐，觀察下，見佢軟垂即係未得...再攞番無太陽地方種多幾日再試....無軟垂咪得左囉...見佢有新葉出就可以剪左大塊既舊葉...咁佢就越生越靚架喇...


無根直接泥插我就會整個小溫室比佢...等佢水份保持得好D....幾好用架...

cklife 發表於 2011-6-19 07:49
睇唔到相真係好難講...

你睇下羅勒枝莖近泥土位有無變左色...如果有..應該係泥唔去水...黑腳喇....

用水浸左幾日出左根先入泥,依家我放係比較陰暗既地方正常返,要等幾耐同點樣先知道出出返d根?