麻煩大家幫忙救救我既羅勒&oregano !!

我係一個種香草既新手, 上星期日剛剛係花虛買咗2盤香草, 分別係羅勒 & oregano。
我將佢哋放係廚房向西既窗邊, 但剛買返嚟既2/3日都係落雨陰天, 應該唔會曬親。我隔日向呢2盤香草灑水。
但係唔知點解我幾日後我發覺盤羅勒好多葉邊逐漸燶晒, 而盤Oregano既大部份最細少葉都逐漸枯萎, 其中1棵仲好似死咗添 : (

請大家幫忙指導一下究竟我出咗咩錯令到佢哋係短短5日間變成咁呢 ? 又有咩方法可以救救佢哋呢 ? 另外, 我想問一下淋水可唔可以淋到佢哋既葉呢 ?  我呢幾次淋水都係連葉都淋埋呀 !!

羅勒要大量水,要日日淋,天氣太熱什至早晚都淋.

剪左D燶葉先

唔會曬親...但會唔會唔夠陽光呢?

另外, 種香草d泥要好疏水架, 我見花店賣果d香草, d泥都麻麻, 或者你修剪左d枯葉, 換一換分, 加返d珍珠石之類落d泥

我試過其實泥同珍珠岩1:1或泥對蛭石1:2最好, 唔好怕佢乾, basil就泥面乾先林水都ok,其他全乾先林都冇問題

請問珍珠岩或蛭石係咪要去花虛先有得買呢 ?

唔清楚.我係淘寶買反泥 我係澳門ga, 去珠海搵人代收,5蚊1次.

rangel 發表於 2011-5-28 13:16
請問珍珠岩或蛭石係咪要去花虛先有得買呢 ?

珍珠石花寶有, packing唔係寫珍珠石架, 你問佢得架啦, 十幾蚊一包

蛭石我就唔清楚啦

記得將所有膺枝剪去, 否則會野啲細菌同小蚊蟲。

買番黎，佢D泥未必合用，如果淋水，要摸過盆泥乾先淋，咁細盆建議用水盆浸住，待佢係盆底吸水，你摸下個泥面濕左，即表示吸飽水。

你放西邊窗，建議淋水唔好淋到葉面，西斜太陽好惡咩...免得忘記左，有太陽時淋，會燒傷葉面。

我覺得你個情況...應該係泥唔太適合，而且，佢係苗.....種很好密下架....建議你要換盆換泥...

羅勒要用大D盆....我自己種，最少會20CM盆種一株...你想種三株一齊都得...但會長得矮細D。

未買到泥，未換盆前....唔靚既葉剪走佢...泥乾先淋水，記得通風要良好。仲有，檢查下有無虫。

請問什麼是"膺枝"呢 ? 我已將燶咗既葉大部份都剪晒啦 !!

呢幾日我將佢哋掛咗係窗花度直接晒到太陽, 同埋摸過盆泥乾先直接淋水落泥度冇淋葉啦, 而且仲係夜晚先淋水, 另外嗰隻窗係長開既, 通風應該冇問題。 觀察咗2/3日佢既情況好似冇再惡化, 但前幾日見過有"小蚊滋"係佢附飛, 唔知同佢有冇關呢 ? 我都有監視過2盤都好似留意唔到有其他虫。希望佢可以健康長大啦 !!

要換泥的話, 請問最方便係邊度買到，同埋係咩泥呢 ?  因為我係鰂魚涌返工, 平日冇機會可以去到花墟呀 ??  仲有請問幾時先要施肥既呢 ?

麻煩晒大家既幫忙呀

rangel 發表於 2011-5-30 17:48
請問什麼是"膺枝"呢 ? 我已將燶咗既葉大部份都剪晒啦 !!

呢幾日我將佢哋掛咗係窗花度直接晒到太陽, 同埋摸 ...

一般見蚊滋有既情況...會係唔通風同太潮濕囉....你掛左係窗通到風，又等乾先淋水...蚊滋可能遲D會無架喇...

施肥呢...建議換左盆之後，見到有新葉長出黎，生得個樣健健康康。

咁你就可以開始摘頂(頂部既枝條)，摘完頂咪補番少少肥囉....肥要薄薄施...寧少勿多。

我自己呢....一般係採收完就會施液肥，一般夏天十至十四手會採收一次。(採收=摘頂和前左大塊葉或老葉)

香草呢...唔好唔捨得採收呀...要收左D大塊葉，細果D先識大架...咁就會越生越靚。

比你參考一下....係十樓..
我的羅勒種植