「間種」應該點配合呢?

各位,

我在書中看到, 一條田可以用間種的方法減少雜草生長, 又可以減少蟲害。
想問下大家間種應該點配合, 例如青瓜應該同咩蔬菜間呢?
瓜類同茄類間種又得唔得呢?

請指教。謝謝。

間種是指 companion planting 嗎? 通常瓜類同茄類不會一齊種, 因為兩類都食肥而且蟲害也差不多。 通常會用香草類間種，而最常見的是 basil 間蕃茄~ 在青瓜附近栽種向日葵都幾普遍，因為向日葵吸引蜜蜂幫助青瓜授粉 ~~ 最常見用嚟教學係美州印第安人的傳統 "三姊妹" - 豆+玉米+瓜 ~~

間種係Intercropping.樓主講果種應該係yuffie所指o既companion planting~

以下引至綠田園的網站.
"輪種是將作物輪流在不同的田地上種植。間種是在同一幅地上，同一時間種上超過一種作物。輪種和間種是一種非常有效的病蟲害防治方法，同時亦可以將泥土裡的肥料充份運用。同類的作物，需要類同養份，有相類似的病蟲害問題。但在輪種和間種的情況下，便不會容易出現某類養份缺失的倩形，病蟲害亦不易在田間累積。

可按作物的類別來作輪種及間種，例如生菜（葉菜類）、青瓜（瓜類）、豆角（豆類）、白蘿蔔（根菜類）、粟米（穀物類）、蕃茄（果類）等之間的輪種間種。或深根和淺根類的輪流或相鄰種植，可吸取不同深度的泥土裡的養份（如：蕃茄與白菜）。或需肥量大的和需肥量小的交替（如西蘭花與四季豆）。或不同土地覆蓋率的輪種間種，可以保護泥土結構（如薯仔與蔥）。"

係呀~~我想知道既就係 yuffie 所指o既companion planting。 謝謝指教。
瓜加向日葵都幾好喎, 有得食又有得睇。hahahaha, 仲可以幫助授粉。
豆+粟米+瓜會唔會好迫呢, 等我試兩個一齊種又得唔得先。

owlcyr我都有看綠田園果個呀..就係因為唔明囉。
所以先提出瓜可唔可以同番茄一齊種既傻提意呀。多謝你們的解答呀。