唔知落幾多水落Thai Basil ＞＜

Hello大家好，我係第一次種植物，我尋日買左一盤Thai Basil, 其實我係想買通常用黎煮西餐的Basil (番到去上網check先知嗰D叫Sweet Basil.) 我買時個老闆話係一樣咁煮。我問要落幾多水，佢話一個bottle既水，我怕會錯意，特登拎我個450ML既bottle出黎，佢話冇問題。我想問下大家意見，我應落幾多水？仲有我上網check到話Thai Basil有陽光先會生得好，老闆話有冇陽光都OK==" 咁我屋企唔係好多陽光入到，我都係等正午時到黃昏先至有陽光入到，咁OK唔OK嫁？Thank you very much!!

P.S. 我覺得棵Thai Basil D香味冇Sweet Basil咁勁，係咪正常嫁？

煮西餐改用九層塔D味會唔同左喎....九層塔要黎炒貝殼類或者炒肉類都好食...

落幾多水要睇你D泥有幾疏水，我自己呢...就會摸下D泥...乾既就淋山...要淋透喎...即係由面淋，個底有水出。 如果個泥面仲有濕濕地就會等乾先淋。

無論九層塔定甜蘿勒都中意陽光架....如果比夠水，就算夏天既太陽都唔怕架。如果無乜太陽佢會D葉細D生得慢D囉...都唔會死既(但一定要通風)

睇你張相都有太陽晒到丫...OK架喇。

我都發覺，初初買番黎既香草係會淡味D，種一排佢會濃番D....

不過佢同甜蘿勒既味道真係有分別架....
仲有...見到佢出花苞呀...如果唔係採種子既剪左D花啦...唔係開完花好快就玩完架....

如果諗住採種子，又或見佢開花幾得意想睇下，可以剪D枝條插水生根，繁植多幾棵...咁大既可以睇花...細既繼續生長。

回復 2# cklife
「見到佢出花苞呀...如果唔係採種子既剪左D花啦...唔係開完花好快就玩完架....」
上兩個星期問咗初級園藝班導師，肯定的說︰「一年生就係一年生，開花後當然掉謝，剪吾剪都無關係，插多一枝無性繁殖或者適合該種子繁殖季節播種」，再追問就無答我了。
高人指點是否正確！

回復  cklife
「見到佢出花苞呀...如果唔係採種子既剪左D花啦...唔係開完花好快就玩完架....」
上兩個星期 ...
菲愛花 發表於 2010-9-9 23:20

    「一年生就係一年生，開花後當然掉謝，剪吾剪都無關係，插多一枝無性繁殖或者適合該種子繁殖季節播種」

a) 一年生, 開花後當然凋謝 = 錯
Thai Basil 開花後較容易死, 但不一定死。

b) 剪吾剪都無關係 = 錯
如果剪去的是花/花蕾(lum), 就不導致開花, 不開花的Thai basil很容易過第2年, 經驗說最長可以5年 (sweet basil都可以)
越老的莖越木化(woody), 5年後莖會變得似人參。

「一年生就係一年生，開花後當然掉謝，剪吾剪都無關係，插多一枝無性繁殖或者適合該種子繁殖季節播 ...
gtrnismo 發表於 2010-9-10 01:32

   曾經試過五年生....又有新目標.....等春天培養一棵，唔要開花既...睇下我可以種到幾多年....

今年先試玩留種先...

回復  cklife
「見到佢出花苞呀...如果唔係採種子既剪左D花啦...唔係開完花好快就玩完架....」
上兩個星期 ...
菲愛花 發表於 2010-9-9 23:20

我既諗法係....一年生姐....咁你棵買翻黎，佢係春天下種定係秋天丫?  睇佢個樣都似係秋天呀....即係佢生左無幾耐喎....用數字計...數字上計都可以生到出年秋天係咪.....咁你想唔想佢生囉....

煮西餐改用九層塔D味會唔同左喎....九層塔要黎炒貝殼類或者炒肉類都好食...

落幾多水要睇你D泥有幾疏水， ...
cklife 發表於 2010-9-9 17:04

多謝你既詳細解釋！原來頂部嗰D係花苞，九層塔其實係味生得咁上下高就停，D花苞就生係個頂到？花苞下有2片好似葉既野，我洗唔洗盡量留住佢？
其實我屋企都係下午2點至5點到有陽光入到，我怕唔夠陽光。我想知係咪1日落水一次？定係一摸D泥係乾就落。因為成日落完水後過一排摸D泥就乾了，係咪代表我之前落唔夠水？
“如果諗住採種子，又或見佢開花幾得意想睇下，可以剪D枝條插水生根，繁植多幾棵” 你意思係條主枝？還是連住葉嗰條枝？

Thanks!

多謝你既詳細解釋！原來頂部嗰D係花苞，九層塔其實係味生得咁上下高就停，D花苞就生係個頂到？花苞下有2 ...
waibogard 發表於 2010-9-10 09:37

    您的basil已經成熟。不要回到這個商店。Thai Basil 不需要450毫升水一天，但需要大量的太陽。 3個小時的太陽好，但越多越好。Sweet basil 和 Thai basil 是同一高度的。你要從頂部擇葉片。擇得越多，更多新葉會從側長出來。您將有一個更大basil，但將不增高。

您的basil已經成熟。不要回到這個商店。Thai Basil 不需要450毫升水一天，但需要大量的太陽。 3個小 ...
Bunnyhop 發表於 2010-9-10 12:05

我都覺得有D俾人騙既感覺
多謝你的advice, 我諗我會得閒拎佢落樓下晒下太陽。
但我住新加坡，成日都陰陰天

Bunnyhop講得對..要摘葉呀..唔好唔捨得摘，見到佢生得幾好，咪摘d大塊既黎食囉...摘左無耐佢又會生過出黎。有新陳代謝係好架。
淋幾多次水要睇你d泥保水力，同陽光有幾大。如果你一日淋一次水，佢d葉都未見過話軟垂我諗都ok....
植物唔夠水大多d葉會垂晒落黎，我初初拎棵紫蘇番屋企都係咁...佢黃昏d葉就垂晒，所以知道佢要一日淋兩次水。(因為盆泥實晒，保唔到水)

仲有就係...買番黎你睇下盆底有無根走出黎，有咪換下D泥囉。我自己就習慣買左番黎等佢習慣環境同觀察佢有無害虫，兩個星期後就換盆同泥。我種蘿勒用20cm以上盆種。

佢生到一定高度就唔會再生高，但摘頂係有助長側枝，葉會顯得多d，我自己就中意剪左植株中間既橫枝，同個底太低既橫枝，得佢疏氣d，香港天氣潮濕，怕有紅蜘蛛喔...







我有摘頂，咁佢就唔係長形咁生，會橫少少。我放依個位係有頂既，每日都係得幾個鐘曬到。


.

依個苗未摘頂係長形既..





摘左個頂佢d側枝葉大左，又會生多d多兩支側枝。





長大左佢之前側枝d位就變成個底既粗枝。個d側枝上面既頂又摘左，咪又多d細頂部側枝，咁棵野咪好似扇形咁，唔會係長形囉。

多謝高人指點，真係問多d知多d‥又有野袋啦！收蔵先

「「「「a) 一年生, 開花後當然凋謝 = 錯
Thai Basil 開花後較容易死, 但不一定死。
b) 剪吾剪都無關係 = 錯
如果剪去的是花/花蕾(lum), 就不導致開花, 不開花的Thai basil很容易過第2年, 經驗說最長可以5年 (sweet basil都可以)
越老的莖越木化(woody), 5年後莖會變得似人參。」」」」」

Bunnyhop講得對..要摘葉呀..唔好唔捨得摘，見到佢生得幾好，咪摘d大塊既黎食囉...摘左無耐佢又會生過出黎。 ...
cklife 發表於 2010-9-10 17:38

cklife, 多謝你詳細既解釋，但我仲有幾個問題想問你

1. 我覺得我盆basil D泥好死實實，底部亦有根走出黎。我想知有根走出黎代表D咩？如果要換泥，我應該買咩泥？洗唔洗自己mix嫁？袋泥買番黎用唔晒，可以放幾耐？仲有可否教我換泥的正確做法？

2. 淋水方面，我會淋到個底出水，但我feel到個面都係好似有D乾乾地。之後我就會拎佢落樓下晒太陽大概3﹣4個鐘，拎番屋企我摸摸泥土，已經好乾了，咁我就再淋水淋到底部出水，之後再係屋企再晒太陽3小時。我見有D葉軟垂了，咁我既做法OK嗎？會唔會換泥後，保水好D，會有改善？

3. 害虫方面，我見到有一D好細隻，白色的蟻係泥土到行來行去，咁有冇問題？可以點清除？另外我見到植株生左一D一粒粒既野（張相可能唔係好清），係咩黎嫁？

4. 如果我想採種子，應該點做？我應該等佢開左白色的花時先採定係花苞時採？我聽一講等D花苞乾左，放入一個jar到搖，會有D黑色好似芝麻既野就係種子。你亦提過剪D枝條插水生根，枝條剪咩位？可否詳細講一講點採種子？

Thank you very much!

cklife, 多謝你詳細既解釋，但我仲有幾個問題想問你

1. 我覺得我盆basil D泥好死實實，底部 ...
waibogard 發表於 2010-9-16 14:41

   1.個盆底有根走出黎同你打招呼，叫你招待佢呀...換泥啦...你個盆如果可以換大D...咪換個大D囉...我用20CM盆。泥可以去買袋靚土，溝珠石或者煉石，大約...1:4=珠石:靚土。盆底放完砵底石後，蓋一層底睇唔到砵底石就得，用少少泥溝基肥，可以買有機粒肥或豐收一號、雞糞肥之類啦，放左入花盆唔好超過一半，再放一層泥蓋左佢跟住可以放番棵野入泥，放好晒澆一次水。2.應該係D泥實左吸唔到水喇，同我買棵紫蘇番黎時既情況一樣，要換泥呀...換泥時鬆鬆D根，剪走少少根...去睇下我果時紫蘇換泥啦http://cklife_plant.mysinablog.com/index.php?op=ViewArticle&articleId=2412644
3.害虫病害我唔多識呀...你貼張相去病害果邊啦....不過...你棵野黑腳喎....水多浸到咁架....如果你買番黎時己經係咁...果間野真係好黑呀....種到D野咁賣比人。你都係快d換泥喇...或者換泥前剪定D枝浸出左根先換泥，換完泥有乜冬瓜豆腐仲可以用黎種番。
4.係呀...你講果個方法囉...等佢自己枯左朶花採呀...(不過我仲未採過)，插枝我有做記錄...http://cklife_plant.mysinablog.com/index.php?op=ViewArticle&articleId=570965


希望幫到你啦..