初哥請教天台種植&小型溫室

小弟打算買入一個連天台的小單位, 天台面積只有 3m x  1.5m 可用來種植.  想和囝囝一齊種疏菜.  本人對種植/園藝是一無所知, 想在這裡請教各師兄師姐.

Q1: 在裏可買到小型溫室箱? 不能太高(under 1.5m)和固定安裝, 怕Buidings Department 下清拆令.
Q2: 那種疏菜適合初哥, 易種些?

我都唔係好識種..所以都係搵D易種無乜虫既黎種....

蕃薯葉易種無虫...係街市買番黎插落泥..日日淋水就得...
潺菜...近來開始種，又係街市買番黎，摘左大塊葉食左佢，枝莖同少少芽，插泥淋水。
通菜...我用種籽種..剛開始，應該唔多虫。你係街市買通菜番黎食左D葉，枝莖有芽位既做一枝，插泥。
薄荷....街市買番黎...插水生左根，放入泥度種...易生,少害虫...
九層塔....街市賣泰國野既檔口搵到，插水生左根，放入泥度種。
紫蘇....街市生草藥檔睇下有無...我係幫街邊地攤婆仔買既，插枝生根，再放入泥度種。
薑....放到發芽既薑放入泥度種，唔易死...我種未試過有虫。
蔥....小洋蔥或者紅蔥頭，放入泥淋水，大約一星期度出根，長出青蔥就可以食。

(以上直接插入泥度既，唔可以曬要遮陰，保持泥土浸潤，直至長出新葉就可以拎去曬。)

我講既都係唔洗乜野錢，又可以依家種既。當做吸收經驗，幾好架。

一般新手用插枝或者球根種成功機會大，用種子種，就要睇睇農友既文章...因為有D用種子種原來要好耐先有收成。

至於溫室..我唔識答唔到。

紅蔥頭同小洋蔥



薑



蕃薯



潺菜

CK, 果然係插苗專家.....快靚正呀!

我都係新手....我覺得種野前真係最好準備好泥,盆, 肥料, 有機農藥等等,就會得心應手啦,唔好學我種種下又發現少左d咩,又急急腳揾人去買....

回復 2# cklife


    嘩.... 你種得都幾好啊.....

你那裡是露台嗎? 陽光好像不多.

CK, 果然係插苗專家.....快靚正呀!

我都係新手....我覺得種野前真係最好準備好泥,盆, 肥料, 有機農 ...
Nancy 發表於 2010-8-5 09:00

   咁係準備你講既野之前....都有野做架....就係觀察自己種野地方既環境適合種D咩....跟住睇下依家季節適合種乜....再黎就係諗下自己適合種D咩....跟住就去買你講既材料囉...

回復  cklife


    嘩.... 你種得都幾好啊.....

你那裡是露台嗎? 陽光好像不多. ...
pan-pan 發表於 2010-8-7 00:38

係呀...我果度有頂架....仲向北添....係靠早上左邊一兩個鐘太陽光...下午右邊一兩個鐘太陽光咁射入黎架咋...地方又細..

所以，只能夠種唔太要好大陽光，同細細棵既野.....之前只係種香草....今年開始試下種菜....不過我度唔係好夠光種囉....

秋天種沙律菜睇下會唔會好D...好似生菜類唔洗太多陽光咩...

只要跟時令來種植，香港根本唔需要溫室。
初學種菜先買幾個大膠盆或發泡膠箱試種三、四樣，吸收多d經驗之後再籌劃天台種植大計。
唔好心急，慢慢試下先。

天台仲玩溫室?
去到 40-50 度都得喎

定係小型 chamber 嗰 d?
以前大學玩過
有得衡溫
但係唔排除天台既溫度會好大耗電量 / 易壞

只要跟時令來種植，香港根本唔需要溫室。
初學種菜先買幾個大膠盆或發泡膠箱試種三、四樣，吸收多d經驗之後 ...
貓貓 發表於 2010-8-7 10:35

   又好似係喎! 我見依度D農友，個個都係做防虫室，無乜人做溫室喎.....香港氣候又濕又暖....真係好多虫。
你有無睇花園仔老師個貼呀?  佢好多料架...去睇下啦...

又好似係喎! 我見依度D農友，個個都係做防虫室，無乜人做溫室喎.....香港氣候又濕又暖....真係好多虫 ...
cklife 發表於 2010-8-8 08:37

你做 CKLife?
請唔請 tech, RA

你做 CKLife?
請唔請 tech, RA
夜魔 發表於 2010-8-10 02:39

   死喇....我太老添...有代溝呀...睇唔明

你做 CKLife?
請唔請 tech, RA
夜魔 發表於 2010-8-10 02:39

   死喇....我太老添...有代溝呀...睇唔明
--------------------------------------
等我估下先, "請唔請technician? Research Assistant?

死喇....我太老添...有代溝呀...睇唔明
cklife 發表於 2010-8-10 10:13 AM

我又幫手估 :    CK LIFE ---> Cheung Kong Lifescience長江生命科技

我又幫手估 :    CK LIFE ---> Cheung Kong Lifescience長江生命科技
小寶 發表於 2010-8-10 10:54

仲有第二間 CKLife 咩?  

家下先知...我個名係咁解...

之前只用CK...人家就只記得男裝內褲....家下用CKLIFE又同間出名公司同名....

嘩...我會唔會被人告侵權架?