新手有疑問.... 有地但不敢種....

我住既村屋入面有一塊泥地, 之前一直都係生滿雜草,
後來業主請左工人可以幫手除草後, 佢地就種左好多辣椒,
而我今年年頭試過種車厘茄, 種左幾棵只有一棵可以長大結到果,
其他個D未開花已經相繼枯死左, 後黎發現泥入面有好多螞蟻同一D不知名既蟲蟲,
所以我一直都冇再去種。 但係最近又手痕想種瓜, 煩惱緊應該用盤種定係種落田....
但係塊田既面積都算大, 入面有咁多害蟲應該點做好呢?
點解業主個d辣椒又一直生長得咁好, 而我d蕃茄仔就有咁多蟲侵襲呢?

蕃茄一向都多虫過辣椒架嘛....
新手可以先種一D容易D既野，吸收多D經驗再種其他。其中香草類(依家天氣就紫蘇、九層塔果D)，或者蕃薯葉、薑都幾好種架，放幾粒紅蔥頭，一兩個星期就有蔥食囉。多D上黎睇下，人地種緊又話好粗生果D咪試下種囉。
要唔要蘿勒，比D你種丫.....蕃薯葉都可以比D你攞去插，點插都生架，有淋水就得架喇。
屋企煮野食見到咩發左芽，唔好浪費掉落泥，佢生咪多果植物囉...死左由佢，反正有塊地，好多人睇到都流晒口水。

我屋企都好多蟻，係花盆行黎行去，最怕佢搬D芽虫黎姐，其他都唔係大問題。今日仲現到有蜘蛛添....睇黎我度都幾多昆虫，但無咬我D植物喎，唔知係咪因為種得香草多。大陣味!!

有館友分享左d 蘿勒種子俾我呢~ 不過未開始種, 我想問下蘿勒係唔係都可以驅蟲呢?
蕃薯葉又係唔係成棵都可以食用呢?

有館友分享左d 蘿勒種子俾我呢~ 不過未開始種, 我想問下蘿勒係唔係都可以驅蟲呢?
蕃薯葉又係唔係成棵都可以 ...
caipirinha 發表於 2010-7-21 16:44

   蘿勒呢...我係網上搵過資料話蛾怕佢陣味.....
之前我棵桑樹仔有毒蛾產卵，我即刻搬左棵蘿勒種係佢同盤，之後又真係再無發現蛾卵喎....不過我度唔係好多害虫。

我諗驅虫作用，都要同種植密度有關。

我只知網上睇資料話，一棵士多啤梨要比一枝蔥倍佢。所以數量應該都有關，種太少可能無效，而且，唔可以一種香草防晒所有虫。
蘿勒自己本身就會有地圖虫或紅蜘蛛呢....

蕃薯一般夏天會食佢嫰葉，冬天挖根出黎食蕃薯。話種蕃薯係因為佢易種(比夠水)，而且害虫少。