買咩泥平靚正適合種香草?

如題
今日本來打算買泥
唔知買咩好
15 16最後打算請教下各位朋友先~


我之前有2棵basil同1棵辣椒,唔知點解死呀死呀死
覺得可能係唔夠營養,但係又聽過gtr講種香草d泥越瘦,香草越香
所以都係唔知點
我依家d新種的basil都落左魔肥

唔... 我係唔理的…因為我唔識種～
種菜, 種花, 種草, 我都係用同一樣的泥, 每兩個星期施同一樣比例的肥, 一樣係早晚亂淋水…
又生得ok喎…
最少訂的香草苗(Rosemary、薄荷、鼠尾草、醡醬草、馬鞭草、百里香同牛至)甩晒葉枯晒黑晒，送到來樣衰到無朋友，又生得返晒…
自己落種的Basil又大得幾好，不停生高又生葉～
不過我種天台，就係全日照，超級曝曬型囉～

（全係個人「驚」驗，不喜勿鬧～）

天台永遠都好
通風,多陽光,虫都少d

我好難同你比><
我花槽咋

通風，係好通風的～
陽光，應該人上去曬１５分鐘可以曬黑～
虫呢，都唔係少…呢排好多綠色毛毛虫…基本上一個星期捉兩條…

我睇書同聽ｄ網友講，香草係要用疏水泥的，即係要溝沙落ｄ泥度，一份沙，三分泥…
但係我就無溝，因為如果溝左，應該會變乾草…

我覺得香草唔係完全唔洗落肥架，只係比其他植物，要得少D。
種係花糟既話，淋水方便，可以溝泥，你可以試下1份沙3份泥溝囉。但點都要落基肥，買有機粒肥，己經熟左，無乜味。追肥就睇你，唔多想理佢，就春秋季挖起佢地種新整理時加基肥，其他時間淨係淋水囉。

仲有係...你花糟D泥用左一兩年，應該要攪下佢，唔換泥都應該溝D堆肥泥落去，因為佢地會好瘦，而且舊植物既殘根會係泥度，纏實D泥唔疏水。

你買河沙溝，沙要消毒，大太陽時拎去晒番幾日，如果無地方攪消毒，可以買土主人溝，唔洗消毒直接用，不過貴D。
如果唔計價錢，我會用翠筠靚土溝土主人，因為唔洗消毒，靚土本身己經落左些少肥，加少少基肥就可以種野。


河沙要消毒....今年試溝河沙，D泥出左D好似蜈蚣咁既虫，我諗係因為D沙消毒唔夠。

(P.S.我D蘿勒要追肥架，追左肥佢會大得快D，顏色靚D，仲香D添，當然要佢長大，唔可以種太密。)


依度係一棵黎架...好矮就剪左頂，可以分開兩枝黎生，時時要摘下葉，葉唔好太密，要比佢通風，咁就少D病。

土主人係咩?

我想知邊度有得買靚土?我住青衣
MK同上水都方便

土主人係土壤改良劑，個樣有D似砂但細粒D，係花墟有得賣...對住中學果邊..有間叫[興業連氏]既舖頭....我係果度買架...

果度仲有肥料呀...虫藥呀咁...佢地成日講既綠油油都有賣...

果度有一隻叫豐收一號既肥料，你可以用黎做基肥。
靚土好多地方有得賣，你行過花店就多口問下囉...如果有車，去花墟時順便買埋囉...

我係荃灣買..貴好多..唔介紹囉...

gtr說得無錯, 其實大部份香草對泥土和營份都不講究, 最緊要是排水好,
我做的方法,是比以上各位大大都要方便和便宜的...就是....

化學泥+砂

砂在五金鋪買,
化學泥就是但一間花店買的化學泥, 以觀葉為主果隻就OK了


如果你認為好cheap不放心, 可以自己混和以下香草土:
木炭、草炭、椰绒粉、蛭石、蛭石砂、腐葉土、麥飯石、有機肥料

五金鋪有砂賣???

如題
今日本來打算買泥
唔知買咩好
15 16最後打算請教下各位朋友先~


我之前有2棵basil同1棵辣椒,唔知點解 ...
gunbuster363 發表於 2010-7-15 22:54

有事補充

雖然 a) 普遍香草越少營養越香
但是 b) 香草都要肥

如果用尼食, 我有少少溫咩提示:
其實大家如果有玩有機農作物都應該知道, 有機野會比較"un", 果實的皮, 植物整體的葉呀莖呀都係
那麼如果不夠肥的話, 生長速度會比較慢
情況大概會係感:

正常(過林)    -          un          -       超un
無機農作                    有機農作               有機無落肥/不夠肥

因為我種尼睇多, 又如果你種尼沖茶當然無所謂
但如果種例如basil尼食葉, 建議施薄肥

雖然理論上越瘦越香但都要肥
不過要既肥比其他種類既植物要少, 情況就好似食蟲植物差不多, 當然無食蟲植物禁"怕肥"

其實如果唔知點處理, 其實好多香草都可以溝上一半沙

有機真係un好多的, 種過有機蕃茄就好易分得到…
真係會咬唔開的…又或者一咬得開, 就會爆汁出來~add4icon

五金鋪有砂賣???
gunbuster363 發表於 2010-7-16 20:58

   砂...人地用黎撈紅毛泥果D咪砂囉.......有D賣裝修用品既都會有得賣....我係裝修公司買既...

有機真係un好多的, 種過有機蕃茄就好易分得到…
真係會咬唔開的…又或者一咬得開, 就會爆汁出來~ ...
emkey 發表於 2010-7-16 22:35

   我仲未有機會食到自種有機果實....無得體會添....
暫時我淨係得香草食得咋.....好期待蕃茄...不過好似特別野虫...今日隻潛葉蠅一直攪我棵蕃茄，後來仲停係泥面度，嚇到我即刻拎左佢入蚊帳，想要有機真唔容易架.....

種茄好呀，所有茄都好似好易種咁架～
雪凍茄好好味～

種茄好呀，所有茄都好似好易種咁架～
雪凍茄好好味～
emkey 發表於 2010-7-16 23:20

   問題係我唔中意食茄子....老公超愛蕃茄.....所以...我應該會努力集中係蕃茄度。第日可能變左只有香草同蕃茄架.....種野地方唔多，無法喇....
我自己其實最中意會攀藤既野，好想種夜香花，跟童年回憶有關咩.....

茄=大蕃茄, 細蕃茄, 車厘茄, 梨形茄... 好多茄

(唔好意思, 我有語言障礙~)

茄=大蕃茄, 細蕃茄, 車厘茄, 梨形茄... 好多茄

(唔好意思, 我有語言障礙~)
emkey 發表於 2010-7-17 10:03

你話蕃茄好易種呀。。。。。我未夠功力囉。。。。

蕃茄好似好野虫，唔用網罩住我唔敢種。家有二棵車厘茄，日日都有潛葉蠅巡邏，最後都是要入網。

可能有虫，但係我睇唔到又或者曬死唒~
我屋企好曬的~

最後我買左包翠筠靚土