買餸好激氣之---冇品阿叔

話說今日...
有個"唔親既親戚"黎我屋企啦~
咁下晝就得我媽咪,個所謂既親戚同埋我係屋企啦~
我媽咪就諗住去買餸,
我就同個親戚唔多熟啦~我又唔想單獨同佢留係屋企...
於是...........我作出左一個好大既決定－自己去街市買餸!

好喇入正題!
我去到街市,人生路不熟...
我就見到D一包包既四季豆~見好似幾新鮮咁啦~
佢就3蚊一包既,咁我就要一包啦~
我比左4蚊個呀叔,佢竟然就咁拎左冇找錢比我...
佢完全冇諗住找錢比我!仲刻意迴避我!
跟住我話開口話"你好似未找錢,包野係3蚊架WOR!"
跟住佢諗左諗,先勁唔情願咁找番一蚊比我囉!
佢個動作是超強調,慢~~~~動作的!
之後我心諗"唔好見人細個,好似冇乜經驗咁就想呃人啦!"
真是人地細個就當人傻咩?!
呢D呀叔真係勁冇品,
我覺得佢唔係主要想呃果一蚊,而係覺得呃到人,佢會得到快樂 好似成功左咁

我開呢個POST唔係因為果一蚊!
而係真是好嬲囉!呢D咁既人,壓力大咪減下壓囉!拎人黎玩!

大家有冇試過一D買野激氣事件?講出黎討論下~

點解你媽咪去咗買餸
(我媽咪就諗住去買餸, 我就同個親戚唔多熟啦~我又唔想單獨同佢留係屋企)

你又要再單獨一個人去買餸 ?

可能你講得唔清楚, 又可能我睇得唔明, anyway, 你叫你媽咪都唔好幫襯佢嘞

點解你媽咪去咗買餸
(我媽咪就諗住去買餸, 我就同個親戚唔多熟啦~我又唔想單獨同佢留係屋企)

你又要再單 ...
比得大帝 發表於 2010-6-23 14:07

peter大大,
我媽咪諗住去買餸,咁我唔想同果個親戚留係屋企啦~
所以我話,我自己去買/ _ \

我已經叫左媽咪唔好同佢買野架喇!
d人咁唔老實!

明咗嘞

回復 1# 學種植
現在這瘋狂的時代,所有事情都扭曲了
不過他騙你一元小事一樁,出到社會更骯髒更無恥的大有人在呀\(~口~)/

去街巿買餸經常發生，唔只一蚊，
50蚊紙 當 20蚊紙 常有。
20蚊紙當10蚊紙都有。
去 百k 我試過 俾500蚊，佢當咗100蚊添。
有乜咁好激氣。

在大陸經常發生就係真銀紙當假銀紙, 特別是公路收費站

通常是你開車到收費站, 俾張$100蚊佢找, 佢看了一會把錢給回你, 說是假的, 你看一看真係假喎, 唯有當自已倒霉, 不知甚麼時候收了張假鈔, 於是再俾過另一張佢, 其實係佢偷龍轉鳳.

有個朋友俾人試過咁樣兩次, 佢知一定係收銀員作幣, 於是預先把鈔票號碼抄下, 個收銀員果然又重施故技, 朋友馬上報警拉咗佢.

你買餸比人騙,我都試過行街比人呃~
第一次,讀中學時,返學撘火車,有個初中生同我講話冇錢,我比咗$20佢,一個月後,又見到佢,又係話唔記得帶銀包,我唔睬佢,因為嗰一個月我成日見佢走去向其他女學生攞錢.
第二次,喺九龍塘火車站,有個中年男人走嚟話冇錢,老婆又死咗,又失業,會同家中仔女一齊死,好慘,我銀包有$1300,比晒佢.
第三次,喺大埔墟火車站,有個跛腳男人走嚟,話自己失業,老婆又死咗,又係家中有一對仔女,半年未食過飽飯.....今次我唔再上當,因為佢有個大肚dump~
總括嚟講,我覺得我都幾蠢.....

激氣事件?印象中好似無^^
不過,我記得有次去阿波籮買飲品,個收銀找多錢俾我,我見多咗,俾番個收銀,佢好開心咁話,唔該哂!
個次印象深刻d ....呀!我醒起...有次我坐小巴,落車俾錢過司機,去找了錢給我,我跟住落車,後面仲有好多人等俾錢,
我好快就落咗車,後來先發覺找少咗俾我...知道都無用,架車已經開走咗^^"

你買餸比人騙,我都試過行街比人呃~
第一次,讀中學時,返學撘火車,有個初中生同我講話冇錢,我比咗$20佢,一個 ...
corina 發表於 2010-6-24 16:52

竟然多次成為騙徒的目標, 你個樣一定好善良&有愛心

回復 8# corina

我覺你不是蠢, 是你好人,
不過我未必會好似你咁俾咁多,
我都試過在地鐵咁被人問我拎錢而我俾左,
我講住電話, 我朋友在電話鬧到我哭都不肯停, 不停鬧我蠢和"on居",
但我俾錢的理由是....他騙我,我也只是不見幾百蚊,
但如果件事係真呢?

所以我覺得你是好人,
不過現在我都會選人俾, 俾公公婆婆大肚婆小朋友騙都甘心D,
肥C大隻的男人就不俾

激氣事件?印象中好似無^^
不過,我記得有次去阿波籮買飲品,個收銀找多錢俾我,我見多咗,俾番個收銀,佢好開心 ...
金剛 發表於 2010-6-24 17:12

試過去超市買嘢,返到屋企睇下點解咁平,原來個收銀收少咗,我買20盒佢計咗10盒,返去同佢講,點知咁啱個經理喺度,我累到個女仔比人罵,真係覺得唔好意思,以後真係要醒少少~

我試過去食雲吞面
找回一張50蚊紙
當時佢係摺2摺俾我的
我都冇為意
點知原來張50蚊紙係用printer print出來

竟然多次成為騙徒的目標, 你個樣一定好善良&有愛心
KandT 發表於 2010-6-24 17:23

應該話成個蠢樣~

回復  corina

我覺你不是蠢, 是你好人,
不過我未必會好似你咁俾咁多,
我都試過在地鐵咁被人問我拎錢而我 ...
jeffiau 發表於 2010-6-24 17:28

第一次呃我嗰個都係細路仔,我嗰時讀中六喇~

回復 12# corina
都唔關你事,不要介懷^^,最後大家都無損失!
我知道做收銀的,如果找多左俾人要賠的,好慘!
所以,計錯咗俾番佢,佢會好感激您的^^,都算日行一善!
也在修行^^

我試過去食雲吞面
找回一張50蚊紙
當時佢係摺2摺俾我的
我都冇為意
點知原來張50蚊紙係用printer print出來 ...
oneonewe 發表於 2010-6-24 17:32

你入咗黑店~

你入咗黑店~
corina 發表於 2010-6-24 17:38

o個間面檔我成日去o架
我估佢地係收o左張假50蚊
然後想洗番出去囉

回復 18# oneonewe
咁有無下文^^有無入去講番...你張嘢係...

o個間面檔我成日去o架
我估佢地係收o左張假50蚊
然後想洗番出去囉
oneonewe 發表於 2010-6-24 17:40

即係熟客仔都呃~