錄音筆

想買支錄音筆,請推介下.
上課用,要連續錄18小時.

乜野課呀?
就咁筆記得唔得? 慳番d錢.

Independent Study呀! 去年讀diploma時,有70%的同學都攞部錄音筆或手機出黎,我當時覺得會依賴有錄音,冇咁留心聽,所以讀左成年都冇打算錄音.但依家三日內要連續上18個鐘,我真係好擔心臨到尾會唔夠精神聽課.加上我有弱聽,已經用緊助聽器,係傷殘人士黎架.如果教授臨尾冇乜氣,冇咁大聲,我就更加聽唔清楚.我都想慳呀!但d學費咁死貴,pk左仲嘥錢架.

http://www.garway.com.hk/index.php3?function=list
唔知幫唔幫到你

不如問人借啦... ...

我有一部, samsung的, 不過已經係七年貨仔, 朋友唔用俾我的.

我覺得你用錄音筆都係1-2次就5用,不如買MP3去錄好過.最少將來可以聽歌都得.

PS : 其實上堂錄音好多時5會再聽

我未試過上堂錄音, 因為知自己實唔會聽番，所以會集中火力drop好notes，lecturer停一停個幾秒，我都用埋，即時highlight佢ｄ重點．所以同學都影我ｄ notes 睇，因為夠齊夠tidy～～　嘻嘻～
反而練習樂器要錄音，打波要錄影，聽番睇番自己錯乜．

我以前錄埋成屋都係錄音帶，其實聽都未聽過。

你咁多同學都有錄，不如同你 d 同學講定，事後借 file 俾你，一次半次我相信佢地唔會介意o既

不如用電話錄啦... 一係叫同學錄完過落USB手指比你囉!

Kiann, 如果你聽那些錄音可能好辛苦,因為好多雜音嫁.

用手提電話錄 ＯＫ嫁，再轉落MP3，我成曰同家姐整。

但要小心有電話打入來,因為會cut左個錄音

理論上 mp3, 電話 都可以綠音，但係大都距離短，角度窄，開會都重可以，lecture 又冇 喇叭 就未必得。要試清楚

我未試過上堂錄音, 因為知自己實唔會聽番，所以會集中火力drop好notes，lecturer停一停個幾秒，我都用埋， ...
jellyfishy 發表於 2010-1-14 08:47

同我一樣,唔寫過出黎會冇印象~

用手提電話錄 ＯＫ嫁，再轉落MP3，我成曰同家姐整。
tommysze8 發表於 2010-1-14 10:03

錄一陣都瓜
你電話傾一陣都好快無電啦

好多回應呀!真係多謝大家的寶貴意見.
以前d堂,最多上三個鐘,用電話錄應該冇問題,所以我見咁多同學都用電話錄.仲有,我部電話係古董,冇錄音功能架.
我本身都唔讚成錄音,因為會諗住可以聽返錄音,上堂會冇咁專注.但事實又未必會聽返喎.
我係乖學生黎架,以往我自己固然會take notes,遇到聽唔清楚,會回家睇text book.但今年的課程好tight,我都唔知有冇時間睇書.您地想像下,由上午10點,上到夜晚9點,中間兩個鐘食飯,係咁轟炸您.我都唔知可唔可以吸收得晒,有錄音會保險些.
我以前係公司開半日會,戴住個助聽器,之後隻耳都會痛,今次我唔知我頂得順冇?助聽器會收埋d雜音,用得耐會頭痛,醫生都唔主張一日到晚係咁用,不過今次冇辦法.
唔會用一兩次架,成6個modules,要用成年.
心目中睇中samsung YP-VP嗰隻,佢話可以清除雜音.大家俾D意見我啦!

anyway,你要坐前d 錄,我以前上堂放在亞sir張桌子上錄.會少d雜音

好多回應呀!真係多謝大家的寶貴意見.
以前d堂,最多上三個鐘,用電話錄應該冇問題,所以我見咁多同學都用電話 ...
Kiann 發表於 2010-1-14 13:19

電話錄必大雜音
要買要試清楚
試機不要對正錄
因為對得正一正錄到是正常=.=

西方報館都係用SAMSUNG, 有無信心?add12icon