2009年7月初下種種莧菜，2009年9月尾，一共採收了6次，想跟大家分享一下當中過程。
第一次： 以穴播形式，每穴隔約5厘米，3天後發芽，見第4塊真葉時噴有機液肥（現成買回來的），播種日起計第21天採收，剪剩約5厘米的莖，看它能否繼續生長。這一次採收的菜葉有6至7厘米大，而且莖和葉很嫰滑，跟街市買回來的質地一樣，但好味好多，我用來打麻辣湯底邊爐都食得出很濃的莧菜味呀！
第二次：第一次採收後兩天，見兩隻側芽從剩下的莖上長出，於是等有幾塊葉仔又再噴液肥及倒些入泥，約13天後，大部分菜葉又同第一次採收時差不多大，於是又採收一次。不過今次發現，兩隻側芽一支生得大Ｄ一支生得細棵Ｄ，所以只採收大的那支。第二次採收的菜質地與第一次差不多，都係好好食的。
第三次：過咗一個禮拜，細棵的側芽生到可以食喇，有幾株比第一二次的還要大棵，於是又來一次收割，而主幹又有細細隻芽仔生了出來。今次無第一二次咁嫰，但都好食。
第四次：幾日後又施肥，過咗15日左右，又食得喇，不過，今次無之前的咁大塊葉同咁好食喇，莖有少少硬。
第五次：又再過咗約16日，葉大得差不多，收割。之前有施過液肥和把粒狀有機肥（氮為主）埋入泥中。今次的莖比前一次再硬一點，葉有明顯細咗，得4厘米長左右，最得意係我煮完上碟時發現有一兩棵菜有小花蕾呢！不時食菜心有花蕾好正常，但食莧菜有真係好少見。
第六次：約10天後，很明顯見莧菜唔係好想繼續生長咁，側芽有幾隻，但啲葉細細塊，採收時最大的葉子得3厘米長左右，莖再硬一點，雖然植株短小但很多棵都有花蕾了。莧菜知道自己成日俾人剪，唔會生大，雖然細但死都生個花蕾出來先，而它的花蕾也告訴我它已經老了，唔可以再食佢喇! 採收完這次，就把餘下的莖連根拔起，溝番啲有機肥遲幾日再種過其他作物。
第一次-生長中接近收割
第一次收割後
本來想每一次都拍低照片做個紀錄，但每一次採收時都太興奮，唔記得咗。得少少相同大家分享呢！
相跟大家研討一下：
1. 你們種的莧菜試過一種多收嗎？情況如何？
2. 為何街市買的莧菜，無論紅定青莧，農夫採收時都係連根拔起呢？是否因為莧菜生長迅速，農夫廿幾日後又可以收第二轉，廢事用刀割咁煩？
3. 我見街市買的紅莧很紅的，為何我種的沒有那麼紅？需要甚麼元素紅莧才會紅？ |
提升卡
置頂卡
沉默卡
喧囂卡
變色卡
顯身卡
