紫羅蘭小苗 葉子變軟

我尋日剛剛有朋友分享紫羅蘭小苗比我
佢返黎果陣已有4塊葉同根
我見收到佢果時見佢乾乾地
所以就將佢插左去d濕既泥果度
頭知到左今朝,佢d葉就軟哂
成棵好似死死下咁
我今日就再幫佢換番d少少濕既泥
到左我今日放工果時,佢d葉仲有軟哂,但條莖就挺番
我真係唔想佢有事,請問我宜家仲有咩可以幫到佢呢?
我係咪應該剪哂佢D葉,等佢生番D新葉呢?

-口- 可能呢幾日天氣唔隱定..我d葉仔都係..你試下換d珍珠岩同泥..3比1咁放, 因為苗仔成日受傷架..同埋佢地其實唔係好受熱..我1日俾佢地歎足9個鐘冷氣架...

2# momoko1128
我宜家會緊花寶3合1泥..
宜家真係好擔心佢會死呀..
因為始終佢仲係小苗....   

其實花寶3合1泥都唔係咁好咋..
我都係自己溝..小苗一定要多珍珠岩先得..
以前我都不知死左幾多盆..由奇係夏天小苗真係要勁勁勁勁小心照顧..今次唔得..下次再來過..係失敗中吸取教訓..慢慢就會了解av..

其實我都試過有咁既情況. 問過花友, 佢話搵盆或換泥時可能會唔小心傷到d根.
咁佢會軟軟地既~~只要你小心再觀察多佢幾日. 睇下佢d葉有無變啡, 如果係變啡, 就可能係爛根.
我有棵137小苗就係中心葉仔變啡克, 起佢出黎剪晒d爛根. 再用水浸后入溫室先救得返咋!!!