我個情況係咁嘅
我係天台用發泡膠(已於底部穿洞排水)種菜
第一次買左一包70L德國有機黑泥,感覺上好似好黏,淋完水好似泥漿咁
之後買左50L科學泥、20L一般花泥(有一粒粒白色石仔,唔知係唔係叫珍珠岩)同一小包塘泥溝混佢,好似好左d不過感覺都係黏
同埋唔知點解我每朝上去淋水時都發覺d泥同個箱之間有條縫(情形就好似乾旱龜裂咁,不過淨係條邊裂),但翻起d泥又唔係乾嫁喎
仲有就係,如果係d泥度挖左個洞又無故意唔埋返佢的話,經過一星期嘅正常淋水後,個洞都唔會"埋口"
咁我係唔係要買d珠石、椰衣或者白泥落去溝呢?
還是有其他問題?? |