露台想整木地板

我想係露台整木地板（一條條或一格格），請問有無花友幫襯過邊ｄ好質素又扺的（買或訂造）？

會容易發毛嗎?

應該要定時清潔的．．

掏寶好似有架,呢d應該都係戶外木,無咁易發毛同梅

我都好想我的DREAM HOUSE 有戶外木地版,
唔知要幾多$

要定時拆出黎清理地面...塵埃會係木板下面...

木地板質素好參差，所以價錢好大分別。
唔好上網訂，只係睇表面唔穩陣，要睇實物。
拿上手塊板實唔實淨，平同貴一上手就知分別。
特別返轉睇個底，睇下底部設計就知佢好唔好。要去水疏水快，同地下接觸面係點，木與木之間的接口靚唔靚，穩唔陣穩陣。
仲要睇你個露台斜水位去水有無問題，有積水就要搵d木板有膠塾腳，唔係d木長期浸水點防腐都死硬。
如果會種野，點都有d樹葉或泥跌落黎，要定時掀起塊板清理下。
買d平ge 都得，你打算用五年咁上下就全部換晒佢，買貴ge 錢又多，又要打理。
每年仲要做下防腐，因為香港天氣比較潮濕多雨，少d心機都唔得，不過又真係好鬼靚！

你可以去旺角砵蘭街 ( 裝修街) 睇一下 ~ 有幾間呢d舖頭都有幾多選擇 . 我前年買過大約係 $110 - $175 尺半 x 尺半左右 , 視乎你買乜野木材. 大部份木地板表面都有塗料保護 , 可以用得一段長時間 . 當日我買0既店家話係 "坤甸木" ( 佢坤我就真 .....) 但都好重身好實淨 ~ @$110 / 塊 , 2塊一盒抬成8盒上天台都抬到我死 ......
想平少少 / 多D尺寸選擇可以去B&Q , 佢有唔同 SIZE , 好似 $300 樓下就有大大小小唔同 SIZE 選擇 ( eg  如最細0既  approx.10" X 10" 有9塊 , 1尺x1尺有6 塊之類.....), 但 B&Q 0既木就無塗面保護喇 ~
淘寶係好平, 仲好輕身 ..... 講功能 / 襟用就真係要睇下實物先可以作準. 我覺得用黎裝飾就OK , 唔中意可以換左佢嘛 ~ 唔係貴 ~
希望幫到你喇 ~

要靚真係要付出代價...

掏寶好似有架,呢d應該都係戶外木,無咁易發毛同梅
農夫 發表於 2009-3-4 20:59

好多謝各位的意見，唔該晒﹗
掏寶是什麼？

淘寶係大陸拍賣網..