我盤士多啤利見太陽就好似死了,冇太陽就好番,點解呀?:-(

大家好!
本人現在養了一棵士多啤利, 早前己開了花並結了幾粒果實.
可惜由於其泥土於前天給我發現有很多白色小蟲,
曬了一會兒太陽後其所有枝葉更完全垂在盤上 = =
故便將之換土看看有否轉機.
結果換土後的那一個晚上它的枝葉又回復正常.

第二天的早上它的枝葉依然撐得起,
但下午當它一曬太陽後枝葉又完全垂下,
夜晚又在回復正常...........

本人想在此問問其實盤士多啤利為什麼會這樣? 它是否已經接近死亡? :-( 如非的有冇方法和skill令它復原?
在此先謝! :-)

係咪比唔夠水?
我覺得士多啤梨唔駛咁多陽光.
太熱太曬仲容易曬死佢.

我都覺得係唔夠水... 之前我都試過係咁, 後尾發現原來因為我隔日淋水, 佢第二日唔夠水所以dup晒,後來我改做日日淋水, 到而家都冇事..

我剛剛回到家(18:30)
佢又好番哂= =......

其實我換土時我見到那些舊有的土壤好濕 仲有陣異味(有點像我們的大便...).....
當時我還是天天澆水的
所以我現在都唔知好唔好日日比水佢好....

而我呢幾日都係隔天澆10-20ml 水到....

我就每日淋水,淋到D水由盆底流出黎為止,我諗睇下你既泥係咩泥去決定幾耐淋一次水啦..

淋幾多水係要睇返個環境,淋水係睇返個泥土既濕潤程度.
太濕都係對植物唔好,而且容易有蟲蟲架.
而且士多啤梨用既黎係要疏水性高,我都特別加多左珍珠岩同竹炭入去.

好的;-) 唔該你地呀 我依家諗住隔日淋番之前份量的水睇下佢點先
其實會唔會係之前換土傷了它的根部,
所以它顧此失彼,
現在要重生長出根部而唔夠力令枝葉回覆正常?
因為今日它下午就算冇曬太陽都成棵軟下來,到日落佢又好健康咁回復正常

ps. 佢到今日都係同之前咁...
      希望佢可以好番
     將來可以post 它的相上來啦

好的;-) 唔該你地呀 我依家諗住隔日淋番之前份量的水睇下佢點先
其實會唔會係之前換土傷了它的根部,
所以它顧此失彼,
現在要重生長出根部而唔夠力令枝葉回覆正常?
因為今日它下午就算冇曬太陽都成棵軟下來,到日 ...
kksa0710 發表於 2009-2-1 12:26 AM

如果係傷左根要等佢好番需時，呢一排都唔可以俾佢晒添~

好呀!謝謝你的提點
我今次都係第一次自己種植物
要向各位多討教討教