黃花沙 定係 蟹沙?

昨日我去左幾間五金鋪,
想話買"黃花沙"........點知,
三間鋪既答案都唔一樣,
佢地既回答係咁既:

鋪一答:黃花沙!!我知係乜,不過而家好少人賣架喇,
          我地而家賣既叫"蟹沙"係咸水沙黎架,
          如果你用黎種野撈泥就唔可以用"蟹沙"咁會整壞d土架,
          我地以前既年代做泥水既同種花既都鐘意用"黃花沙",
          但而家種野既人少加上咸水沙都可以比泥水用,
          所以而家多數都係賣"蟹沙",
          如果你想係五金鋪買"黃花沙"就要小心喇,
          唔係個個都識分"黃花沙"同"蟹沙"架,買錯就唔好啦,
          你都係去花鋪買好喇.

鋪二答:黃花沙!!啊~~沙吓嘛,有有有,你想要幾多?
          咩話?問我d沙係咸水沙定淡水沙?
          車~~我點知喎,咸定淡咪都係沙,又唔係耍食落肚,有乜所謂喎,
          番去搵水沖沖佢咪唔咸唔淡囉,細路女學人玩泥沙.

鋪三答:黃花沙!!我唔太肯定呀~~我入貨時佢話係淡水沙囉,
         拿你睇下d沙淺淺地色又黃黃地,好乾淨好靚下架,
         我唸係"黃花沙"掛,就算唔係都唔洗怕啦,
         d沙係淡水沙唔會種死你d菜既,除非貨商騙我比d咸既當淡既黎賣啦,
         不過你想安全d既我比少少你攞番去問下人啦,
         問啱至黎買啦,其實沙就唔值錢既,只係托死人啫.

咁我心入面既問題就黎喇,
夠竟"黃花沙"同"蟹沙"係點分架?
一個係淡水沙,一個係咸水沙,
用錯左會唔會整死d植物架?
有無人有相可以睇到兩隻沙既樣呢?
等大家唔好買錯都好吖.

以下係"鋪三老闆"說既"淡水沙"影下既沙相,
唔知係咪就係"黃花沙"呢?

第2個好好笑
話你玩泥沙

no .. no 唔係黃花沙
呢d沙去水唔好
落大雨時d水係個花盆到氾濫出黎 ...

下, 死LA, 我問都沒有問,
直接在五金鋪買沙,
植物好彩沒有事

小孩子
仲係度笑人喎,
人地係鋪頭都已經比個呀伯窒到無聲出啦,
你仲係度笑,
真係醜死怪呀~~

曇花一現
吓....鋪三既沙唔係"黃花沙"
咁夠竟係乜野沙黎架?
係咪即係唔可以加入泥呀?
唉.....仲等我唸住用得呢~~

下, 死LA, 我問都沒有問,
直接在五金鋪買沙,
植物好彩沒有事
sifenamok 發表於 2008-12-24 16:59

係啦,唔問都唔知,
原來五金鋪買既沙都有唔同,
而且好似佢地自己都唔係好知乜沙打乜沙咁,
今次真係頭都痕呀~~

我只敢係花墟買沙咋
金魚街都見過有河砂賣,不過價錢都係

沙？使乜買呀！去引水道幫手清理下瘀積既堆沙啦。

噫…草民，比你一言驚醒，等我搵日去睇下先……不過引水道會唔會好危險呢？

吓......咁都得?
其實我唔知乜沙打乜沙架,
不過睇到e度有網友話加黃花沙好d疏水d,
所以就想買黎用下,
乜引水道既沙都得既咩?

但係隨便走入引水道好似好危險喎,
一條女走落去比人發現左,
咪會以為我係偷渡客囉.

係呀！我都唔敢走落去執。
同埋我有恐水恐高症。
不過好鬼鍾意呢隻沙，超級好用。

係呀！我都唔敢走落去執。
同埋我有恐水恐高症。
不過好鬼鍾意呢隻沙，超級好用。
貓貓 發表於 2008-12-25 12:44

你係講河沙定係sammyzoe所影出來的沙呢???add3icon

你可以睇吓啲沙有無啲細細隻既貝殼及珊瑚碎，如果有咁咪係咸水沙囉。

我家話事人話: "依家邊道仲有人用淡水沙起樓, 個個都用海沙啦!".....所以我響偽康買左包仙人掌泥, 入面有好多沙+蛭石, 希望work啦.....

唉~~咁攪發真係買沙難過買泥呀~~

12# 小寶


嘻嘻！
我係話草民兄係引水道攞嘅沙。
千祈唔好用建築的河沙，even 係淡水沙，太幼細。攪到 d 泥實得得，植物根部發育唔好。
我都俾人呃左，屋企而家有十幾包，邊個有興趣唔駛錢可以黎攞。

16# 貓貓


我宜家都急需河沙 / 黃花沙呀

有無人知邊度有又平又大包既"黃花沙"賣呀?

18# sammyzoe


我諗去花場買泥, 加埋你果d泥炭土, 同埋基肥就好好架喇..

我本來係打算咁加法架:
泥炭土+科學泥+重用又堆過肥既泥+黃花沙+木炭碎+紅黃綠豆碎+粟米仔碎+肉骨粉+龍貓屎屎粉+有機肥粒=有基肥既泥

咁就可以用黎種菜菜
但而家就搵唔到黃花沙囉,
有無地址可以講我知呀?
如果係九龍區就最好喇,
因為可以睇下放工趕唔趕得切去買嘛.