本帖最後由 jellyfishy 於 2012-1-30 15:03 編輯
pekkleking 發表於 2012-1-23 22:51
請問點浸?
不好意思, 家下才看到你問題~
好簡單, 買紫草根回家, 記得要全乾紫草根, 完全無水的紫草根不易生蟲, 浸泡油就不會咁易腐壞.
準備乾淨的樽 (我喜歡用濶口玻璃樽, 容易入乾草和倒油, 玻璃耐熱). 記得係百份百"乾"的樽!
油 (最多人用橄欖油, 其他油也可以, 視乎你的用途喇, 個人會選擇不易壞又平宜的油, 因為通常一浸就半年一年, 油才"入味"和療效較高. 計來計去, 最後都係橄欖油最平宜囉~ 椰子油其實都幾好, 但佢冬天會變成固體, 必須夏天或座熱後, 才能入花草, 諗諗下, 我又無拿它浸泡了~)~
浸泡花草, 份量好隨意, 見坊間有好多比例, 個人做法通常約 1:1 (油: 紫草) 浸製. 有些花草如金盞花, 我索性稍稍塞八分滿入樽, 然後倒滿油. 有些人會放多些花草, 理論花草精華比較高, 視個人需要啦. 我好孤寒的, 八分滿已經好多了, 尤其浸紫草根, 塞多了草葯, 油相對入少了, 浸完半年後, 兩下用完, 有點肉痛.
我個方法係, 浸泡油八份滿花草, 或大約1:1份量浸製. 放在窗邊, 每天曬陽光, 免費的太陽熱可加速花草滲出精華. 浸佢半年一年, 深紅到發黑的紫草油就完成喇~~
我會用佢來打皂 (落不同量有不同色, 少少紫草油造出來的皂好似火腿色~ 越多越深藍, 有時會紫紫地), 或用麻油浸泡製紫雲膏, 由於浸得久, 紫草根的精華都跑出來了, 所以不需用煱加熱煮, 簡單得多~ |