桂花樹掉葉

上個月在花墟買了棵桂花樹，有換盆加泥施粒肥，幾天才澆水一次。上星期開始，大量葉子轉成深褐色掉落。請問是甚麼原因導致這情況？如何挽救？謝謝。

桂花係户外植物要見陽光， 唔知呢個因素有冇做到呢？

桂花愛濕潤，但去水要好，否則根會出事！愛半陰，不可直曬！

金盞花 發表於 2015-3-31 19:22
桂花係户外植物要見陽光， 唔知呢個因素有冇做到呢？

是放在露台的，天晴時有足夠陽光。

Kennylokong 發表於 2015-3-31 23:58
桂花愛濕潤，但去水要好，否則根會出事！愛半陰，不可直曬！

原來不可直曬，這就煩惱了，在露台，該如何做到半陰呢？

我覺得曬太陽呢方面你唔駛擔心會過多,  因我家中有幾棵喺户外花槽都係咁曬, 亦都唔需要日日淋水.  我會估計問題在於你買返嚟呢盆桂花個盆都唔會好大, 可能鎖水唔夠呢!  不如你換個大盆俾佢, 俾水同曬太陽照平日咁俾佢睇吓有冇改善.

補充:  記得換個大盆後試吓每次淋水至盆底出水, 之後覺個盆"輕升升"至再淋水 (唔駛日日淋)

金盞花 發表於 2015-4-3 13:44
補充:  記得換個大盆後試吓每次淋水至盆底出水, 之後覺個盆"輕升升"至再淋水 (唔駛日日淋) ...

謝謝你的建議。原有的盆已算大，不過，我也換了個更大的。現在只好依你的指引從淋水方面著手，希望情況得以改善。

感謝金盞花和Kennylokong的幫助，我的桂花樹重生了！上星期開始長出新枝葉和花蕾。好開心！

恭喜晒~    5月出花已近尾聲, 遲d幫佢施肥, 過多幾個月至10月11月左右就開始出花.

知道。謝謝賜教。　那麼，請問是否按這樣來施肥：4月至5月約每10天至15天施1次，6月至7月每7天至10天施1次，8月初施最後一次？用腐熟的餅肥液，對嗎？

其實我唔係好勤力打理棵桂花， 一年大約俾2次肥， 見屋企有花生麩雞屎肥豐收1號就加落去。