想請教一下各位師兄,師姐,
我屋企天台種咗啲桃樹,檸檬,芒果樹,蕃茄等等,之前集體都染過病,依家想襯夏天嚟之前同佢哋一次過換盆⋯
因為有啲係我之前喺花店成盆買返嚟,而啲泥已經硬到成磚水泥咁,同埋盆桃樹之前有棵不知名花花喺啲泥到生咗岀嚟,搞到原本已經無位生嘅樹更加迫上加迫⋯
想問一下,我依家想換盆,之前啲植物病過,雖然已經噴過藥,但係咪應該連泥都一次過換埋會好啲穩陣啲?
啲泥已經硬到好似水泥咁,我應該點樣可以甩到佢岀嚟而又無咁容易整傷啲根?有啲咩需要特別注意,尤其係棵桃樹同另外一朵花生埋一齊⋯
新手一名,感謝各位賜教。
順手放張桃樹今年開嘅花畀各位,祝大家花開富貴! |