台灣紫黑蕃薯和日本金時蕃薯枝條 (24/11增加相片正式落戶照)

經過多次查詢賣家和轉節的運送，終於來到香港了！前前後後差唔多兩個星期時間。雖然9成的葉枯了，但根部還很健全，應該還可種倒的。

我唔貪心的，只要每種有一條能生倒我就滿足了！

放心，好粗生

祝你成功
紫黑蕃薯應該花青素很豐富吧,對眼睛好有益

想問邊到買到?
另外係咪一定要田種?
盆種唔種到??

我之前某個post講的台灣代購幫我入手的。他先幫我問賣家點樣運送長途唔死，代購收到貨後，試問過幾間快遞公司可唔可以寄運，最後都要幾日後先可付運，中途有些特別手續，但唔太方便講。
盆種難D喎，佢唔同薯仔，大少少的種植盆應該還可以。

應該比薯仔易種, 種盆都得, 但蕃薯可能欠收, 其實花葉都可觀.

RX-93-2 發表於 2013-11-9 02:03
我唔貪心的，只要每種有一條能生倒我就滿足了！

應該全部都能夠成長. 不用擔心.

上星期日每款拿了一枝落田，希望可以生倒。生倒的話就留住種先，到春末才正式種。

明日再落田，就知上星期埋落地的蕃薯枝生唔生倒。

未知樓主枝條結果如何？
如果種到、我都想用台灣代購買櫻花

上星期望過，好似未枯之餘重有D新芽葉生出來，今個星期日再去睇睇先。

今日落田睇，終於有葉生出來，台灣紫黑和日本金時蕃薯，正式落戶香港了！



日本金時




台灣紫黑


但都有些隱憂，我起出來再擺放適當地方時，需然已有根，但插落泥裡的部份有腐爛，我剪走腐爛的部份再插落泥裡，希望沒事吧！

放心吧, 蕃薯好粗生的.
期待將來有支條分亨.

請教:  蕃薯唔係可以用發芽蕃薯種咩?  點解要特別運D莖嚟種?

香港冇得賣嘛！市面上那D都唔知真定假的。從台灣寄蕃薯來香港........逐kg計的呀，好貴運費的呀！

其實我係唔係應該成條埋落泥裡面，只露D新葉出來？

而家種蕃薯要留意，因為天氣開始凍，佢地既葉會凍傷。

我之前响日本超市買過一包兩條裝的金時蕃薯，食左一條，好味，確定好味岩食嘞，另一條放响陰涼處等佢發芽，6月頭佢有6塊葉便剪開佢幾塊埋左落泥，今個月頭掘蕃薯順便當翻泥，算豐產，因為另一邊田種的本地蕃薯又細數量又小，而金時蕃薯又大又有成8斤收成。

煲左糖水，快溶，多膠質，粉芯。
蒸熟，頭尾有小小甘味，但蕃薯肉粉芯又無渣。

總體：好味，種得過。下年會再發再種。

但表皮有虫爬所以完整漂亮的只有數舊。蕃薯裡要生虫的都有數舊。我唔明點解日本人種蕃薯表面可以咁靚。係咪都有用藥？

hi....
我想問呢D苗到0左香港之後要先點處理才落田?
要不要用水浸一排?

浸水只是畀佢缺水太耐要保充水份，浸得長時間會腐爛的，我冇落田的枝條就係浸水太耐腐爛晒。
落田前將已枯的部份剪去後就可插了。