紅色點點

救命
我棵蒔蘿生左好多紅色會爬的點點
是紅蜘蛛嗎?

好大機會係...
有冇photo呀?

wa 仲有蜘蛛網添ㄚ...

係呀,呢d野好鬼煩架

上次我種咗大約30小盆生菜,
差唔多收成果陣都有發現其中一,兩盆有呢啲紅色一點點出現.......
冇去處理佢,過咗一排,結果漫延到全部咁多盆都有..........
結果被迫剪晒唔要得!

好煩ㄚ...用水沖極都仲有

其實有咩方法對付佢地呢 (紅色點點)

我開花灑係咁沖, 都可以沖走好多, 同埋可以沖散埋d蜘蛛網

一見就要殺啦,唔係會好怏好多,用牛奶噴葉低,佢地會飲飽死,四五日噴一次連噴三四次就掂晒,佢地唔鍾意濕架,所以太乾佢地就出現,間唔時向葉低噴下水呀~要全部噴喎

唔知  ""自製蒜頭、辣椒和洋葱水""  ，噴吓佢地，有D味，佢地可能會走。
如果怕麻煩，胡椒粉加水都得。


不過，要適當濃度。

走去另一棵? 牛奶得架~我初初唔識佢地,比人敎識我之後,噴到佢地死鬼晒,係白粉蚤煩死我,死完又黎,黎完又死,係家陣用"好年多"比較唔錯

請問"好年多"係咩呢?

用奶會唔會有陣奶味...

原帖由 xchoix 於 2007-8-2 08:34 PM 發表
用奶會唔會有陣奶味...

係唔記得講,一兩小時之後噴返清水,有次我有盆用花奶加水浸用兩個鐘,之後花酒淋返就冇再理佢啦,後尾呢盆唔再覺有

原帖由 honhonma 於 2007-8-2 05:37 PM 發表
請問"好年多"係咩呢?

唔好意思,係"好年冬"至啱,係殺蟲用,粒狀放0係泥面,植物吸收之後有蟲吸食佢地的話蟲蟲會死,等同貓狗滴頸

原帖由 羊咩咩 於 2007-8-2 20:51 發表

唔好意思,係"好年冬"至啱,係殺蟲用,粒狀放0係泥面,植物吸收之後有蟲吸食佢地的話蟲蟲會死,等同貓狗滴頸

咁盤植物吸收咗會唔會變質架~~~

唔知喎,我屋企都冇植物係種黎食,不過個包裝袋有講種菜點落法...

好年冬太毒了, 紅蛛蜘用蟎毒/40度樂果

防治紅蜘蛛
1. 將蕃茄搗爛成漿，用 2-3 倍清水稀釋，過濾取清液噴灑植株
2. 將新鮮蕃茄葉搗爛加清水 2-3 倍，浸泡 5-6 小時，過濾取清液噴灑植株
3. 乾或新鮮辣椒 50 克，加水 30-50 倍煮半小時，過濾晾涼後噴灑植株
4. 把鮮絲瓜搗爛，加 10-20 倍清水稀釋，過濾取清液噴灑植株
5. 苦瓜藤 1.25 千克，加水 0.5 千克搗爛，過濾後加水 6 千克攪勻噴灑植株
6. 取花椒、海椒、半夏、煙骨各 1 千克，切碎混合成原料，每千克原料加水 7-10 千克，浸泡 12-24 小時，過濾即成原液，每千克原液加水 10 千克噴灑植株
7. 取洋葱 20 克搗爛，加入 1000 毫升水浸泡 24 小時後過濾，噴灑植株
8. 取中性洗衣粉加水 800-1300 倍噴灑植株

乜野叫做中性洗衣粉呀???