已種死了3盆, 可唔可以教下我, 謝謝

超級新手未種過野, 種極都種唔掂, 麻煩請教教我

下面張相, 呢盆我已經種左成個月, 都好似唔識大咁

我頭先再google search下, 話basil落種子原來只要落2-3粒, 等種大就分盆,

1) 但我好貪心, 落左勁多, 宜家應該點做呀? 係咪一定要分盆? 可唔可以由得佢繼續生?

2) 我盆basil好弱咁, 呢排成日落雨, 我又冇地方, 只可以種係窗邊, 係咪唔夠陽光所以佢軟"乃乃"咁??? 有咩辦法強壯d? 因我次次淋水, 就算用滴滴仔, 佢都好似想跌咁

3) 最後, 想問如果落種子, 係咪預1cm泥到, 跟住落完種子係上面鋪泥個陣, 最上層既泥洗唔洗壓實佢架? 定鬆鬆地就可以??

Many many thanks

一定系唔夠太陽。

rosetina 發表於 2014-5-23 09:52
一定系唔夠太陽。

原來係咁, 唔該哂

咁我唯有去買植物燈啦

同埋我想問, 我仲有盆金不換, 生得好密, 洗唔洗分盆架??? 如果唔分盆, 種唔種到呢? 因我唔識分盆

同埋basil苗出左大概3,4對真葉時, 要分盆a.
不分盆的話也要拔苗 (拔走比較弱的苗)
我家的basil也是從種子種起~
加油o! 有大陽同埋乾晒就俾水就ok. 它們愛飲水的.

clover_bliss 發表於 2014-5-23 14:52
同埋basil苗出左大概3,4對真葉時, 要分盆a.
不分盆的話也要拔苗 (拔走比較弱的苗)
我家的basil也是從種子種 ...

我唔識分盆, 我驚一拎佢出黎, 陣間唔識放番佢地入泥到

如果拔苗, 係咪就咁剪走弱個啲 就得??? 定係要連根拔? 如果連根, 咁咪會扯哂D泥出黎囉??

thanks for help

clover_bliss 發表於 2014-5-23 14:52
同埋basil苗出左大概3,4對真葉時, 要分盆a.
不分盆的話也要拔苗 (拔走比較弱的苗)
我家的basil也是從種子種 ...

同埋想問下, 你呢盆種到咁大, 用左幾耐時間呀? 謝謝

basil的種子屬見光性種子，即播種時不要埋太深，他需要見光發芽，一般植物播種時埋的深度是該種子的三倍深，basil植株高度约70-90cm，你唔想咁高可剪頂（摘心）控制高度，當開花時可剪走花穗，這樣可減慢植株老化速度，一年生可延長二年生，你播種可不用落咁多種子，因basil發芽率很高的，一般移苗定植要待植株長到四塊葉，這樣較为安全，不過！^_^basil很粗生，只要陽光充足，夏天他生長得非常好，因为他愛溫暖氣候，多了的小苗你可小心拔出來分享给花友的，小苗還细忌太濕，要给予他們充足光缐呀！

植物有向光性和向水性特質，當植物唔夠光時就會追光，唔夠光照植株會徙長比正常植株長得較高，節與節之間明顯較長，當植株徙長不夠力支撐就會垂下來，给予他光照就會有改善……

金剛 發表於 2014-5-23 15:52
basil的種子屬見光性種子，即播種時不要埋太深，他需要見光發芽，一般植物播種時埋的深度是該種子的三倍深 ...

想請教, 我睇過話種香草要用疏水既泥, 請問可唔可以幫我睇下, 下面張相我用緊既泥岩唔岩架??

因為我見我次次淋親水, 佢D水都流得好慢, 我好懷疑我用錯泥

如果唔岩, 可以點樣將我盆香草換泥? 唔該哂呢

sumlam 發表於 2014-5-23 16:14
想請教, 我睇過話種香草要用疏水既泥, 請問可唔可以幫我睇下, 下面張相我用緊既泥岩唔岩架??

因為我見我 ...

影實質泥的樣子，只看包裝未必知內裡的成份

sumlam 發表於 2014-5-23 16:14
想請教, 我睇過話種香草要用疏水既泥, 請問可唔可以幫我睇下, 下面張相我用緊既泥岩唔岩架??

因為我見我 ...

basil植料不用講究，用一般科学泥或田泥就可以，你的相片没看到泥，只看到牌子名，相信係科学泥，無問題，因为你的苗仔發芽不久，植株根系仍是很淺很少根呢，所以不用淋太多水，加上近日天氣經常下雨無陽光泥土的水份不易被蒸發，所以你待泥土稍乾d先淋，泥土淋水時排水慢，除泥土疏水物料有關，你用的盆子有幾多排水孔也要注意，有些花盆排水孔得一個需要在盆底加網再加盆底石或陶粒幫助排水的……

silicon 發表於 2014-5-23 16:25
影實質泥的樣子，只看包裝未必知內裡的成份

是這樣的

金剛 發表於 2014-5-23 16:31
basil植料不用講究，用一般科学泥或田泥就可以，你的相片没看到泥，只看到牌子名，相信係科学泥，無問題 ...

唔該哂, 我宜家明白左好多了

如果係科學泥, 我估我會再買其他泥再種過, 因為我種黎係諗住食架, 好似話科學泥唔係咁好???

如果食既, 應該用邊隻泥會好啲? THX

sumlam 發表於 2014-5-23 16:48
唔該哂, 我宜家明白左好多了

如果係科學泥, 我估我會再買其他泥再種過, 因為我種黎係諗住食架, 好似話科 ...

你用的是科學泥，其實科學泥是天然植料造的，但某些牌子可能加了化學肥料就變咗唔係有機種植，泥土不用買，我可以给少量你，應該足夠你用，我的是田泥，但沒有用過任何農藥及化肥，可放心用

金剛 發表於 2014-5-23 17:09
你用的是科學泥，其實科學泥是天然植料造的，但某些牌子可能加了化學肥料就變咗唔係有機種植，泥土不用買 ...

唔該哂呀, 不過唔洗了, 因為我平時會去下花墟買花, 可以順路買埋!

成長期係好需要充足陽光

死了3盆,我想致命原因係無陽光比佢光合作用

植物燈幫助不大

其實要講的, 金剛兄都講左啦~
答返你個問題先, 拔苗是要連根拔, 不用擔心泥土的問題, 因為根還是不深. 用拑小心拔出來就ok
我的盆看來跟你的差不多大a. 種子是去年秋天播的~