本帖最後由 金剛 於 2014-3-13 19:07 編輯
我今日好開心呀 發生咗件好有趣既事呀)))
話說我今日路過睇杜鵑花^^我見有位阿婆口up up,我專心睇花聽唔清楚佢講咩~咪多口講咗句d花好靚~
佢就同我講: d花好靚,鄉下有好多~ 咁我咪問佢鄉下喺邊(心裡暗笑覺得自己d對白似補藥黨),佢就答:XX,嘩~真巧,我同佢講我祖藉又係XX,
佢跟住問我XX邊度,我答佢XX YY ,佢話咁橋,真係有緣,佢又喺XX YY ,跟住我同佢講只係細個番過去,一直都無去過鄉下,唔知環境喺點~
佢話靚過香港呀~不過近年無番去~ 咁我又再問佢鄉下有幾大,跟住佢又問我YY邊度,我答佢ZZ,佢聽到嗰樣好驚喜答我佢又係ZZ,話我哋真係好親~~,咁我問佢喺咪有可能係親戚,佢話係好親有可能係~~講完一大輪,之後佢問我結咗婚未,佢話未結可以介紹個姪仔我識,大家同鄉咁親最好不過~~....我聽到之後,覺得好好笑,上天又同我開玩笑!佢仲話,緣份係整定.... |