本帖最後由 ChocoDamaris 於 2014-9-3 15:34 編輯
大家好!阿妹我幾個月前係門口種左三盆羅勒,而家死淨一棵
於是打算,要玩就認真D!買個四個種菜盆!
上個星期培左苗,分別有茄子、士多啤梨、車厘茄、莞茜、薄荷葉
係時候要發酵D泥,花生麩、骨粉同泥都有啦,
但係做左好多research之後都有D疑問,
希望大家可以以大家既經驗教下我!
1. 發酵
A. 容器
第一樣,最重要既!究竟發酵係咪要同密封既容器?
如果我直接係個種菜盆到發酵再用木板蓋住得唔得?
但係聽講發酵既時候會有味,係咪最好密封?
係唔係一定會有虫架...
B. 時間
發酵幾耐先可以開始種呀?
2. 椰泥
之前上網睇過椰泥可以就咁用,
但係去到買泥個時個老闆娘話椰泥只可以墊底或者溝泥用...
唔知係唔係椰泥平所以佢想氹我買多兩包泥。
咁其實椰泥係點用架呢?
3. 份量
四個種菜盆拼埋大概係 D40 x L120 x H20 cm
老闆娘話一個盆至少要10L泥,所以買左40L泥同一磚椰泥,
如果如佢所講椰泥要溝泥既話,個比例係幾多?
4. 肥料
老闆娘教我種菜同種瓜,落既花生麩同骨粉比例都唔同
但係我種茄子、士多啤梨、車厘茄、莞茜、薄荷葉咁多唔同種類既野
我D泥洗唔洗分兩份黎溝呢?
5. 陽光
是咁的,我個菜盆將會放係屋出面,
個個位可以話係由朝到晚都有太陽晒住,
係咪有需要買遮光既黑布去隔一隔呢?
同埋有聽過話最好朝早同日落先淋水,較易吸收。
而正午淋水就會扯乾晒D水,究竟係唔係呢?
暫時問住咁多先!唔該晒! |