個零星期前買左盆"雅樂之華"(但好多花檔都叫佢做"金枝玉葉")。 老闆娘話: 唔駛點淋水嫁, 放響公司放大假10幾日唔淋水都無問題。
於是諗住兩星期至淋一次水。點知尋日返公司發覺謝左好多, 有d葉仲縐紋而且輕輕郁一郁d葉就好似落雨咁跌落嚟。
我即刻淋水, d水好快流落碟, 因為老闆娘話唔可以多水, 所以我唔敢淋太多。好快, 碟裡面d水又俾盆野吸乾晒, 跟住將佢放響窗邊。
請問雅樂之華(金枝玉葉)係咪唔可以室內種?
有同事話我唔應該直接淋水落泥土, 而係用大濕大乾法去淋, 係咪真呢? 如果係真, 咁將水倒入碟裡面等佢自己吸水得唔得?
|