[新手] 生石花、鹿肉海棠問題

大好家, 我新黎呢個FORUM, 之前都冇種過盆裁,在偶然之間見到熊童子覺得幾特別, 之後就留意了多肉植物, 發覺佢地肥肥地、好得意, 跟仙人掌類似但又不刺手, 所以一個月前就不斷留於多肉的網頁及資料。

大約兩星期經過花墟買了一盤鹿肉海棠, 貪佢夠便宜又多, 跟住係度睇到有人推介「花PO」多肉泥, 之後就開始膽粗粗著手, 不過唔知岩唔岩, 希望各位俾D TIP :


由於睇到有人話新買回來的多肉要換盆換泥、修根、除虫消毒，所以兩前星期前, 我買回鹿肉海棠後, 就掉晒D舊泥, 如下圖一:

圖1

(圖一)

睇上去好似冇乜黑色的死根, 所以都冇乜剪過, 只係輕輕掃走D舊泥、上盤。由於有12梱, 所以分為三盤。 現在其中有兩株的莖的底部及最底的葉有少少乾(皺皮):

(圖2)
這是兩個星期後 (昨日的照片), 有每隔4、5日澆水, 不過發覺其中有兩三株的底莖仍然都是乾(皺皮), 底葉開始收縮, 好似有D缺水(紅圈部份, SORRY影得唔係咁清..)。請問是否根部未發育 (不過我冇乜修過D根, 因為好似冇黑色的死根), 所以吸不到水? 或是我澆得太密 或 太多? 或是普通的新陳化謝?


上星期日手癢, 經過手墟買了一盤生石花:

圖3

請問是否脫皮中? 脫皮中是否不應該換盤? 這後時間(尤其現在潮濕又冇太陽)又是否要狠心斷水或極少水, 等待生石花完全脫皮才補些水份 及 換盤?

我D鹿角海棠都係皺皮, 仲皺左兩個星期...
請前輩們指點

水太多，檢查根部是否已枯。

換泥後通常會有類似情況，不成問題。
現時太潮濕，石花可以長時間制水。
秋至春都是石花生長期，可以換。

之前睇過D網鹿角海棠出現爆裂位係因為多水..

glider12345 發表於 2014-3-5 11:29
水太多，檢查根部是否已枯。

若果發現有枯根, 是否應該把所有的枯根剪走, 再放係陰涼地方幾日, 風乾根部傷口, 再插回花盆? 請指教.

Audrey 發表於 2014-3-5 11:39
換泥後通常會有類似情況，不成問題。
現時太潮濕，石花可以長時間制水。
秋至春都是石花生長期，可以換。 ...

明白, 不過有兩粒最大的正在脫皮, 呢兩三日發現這兩粒的老皮正在慢慢縮小, 或者等埋佢地脫皮後才換盆換泥

mkinmkin 發表於 2014-3-5 12:33
若果發現有枯根, 是否應該把所有的枯根剪走, 再放係陰涼地方幾日, 風乾根部傷口, 再插回花盆? 請指教.  ...

取出風乾，三日後植入乾土，十四日後加水，水要由盆底上水，水不能多，只加盆碟1/4由盆底吸上。以後三星期才給一次水。注意，室內種植，水要由盆底吸上，以盆碟1/4份量給水。室外種植，自由發揮。

glider12345 發表於 2014-3-6 01:47
取出風乾，三日後植入乾土，十四日後加水，水要由盆底上水，水不能多，只加盆碟1/4由盆底吸上。以後三星 ...

謝謝。經你一言指教。獲益良多。

生石花可以換泥
先修根留，只留1cm 主根
暫時先乾土植入

paulpaul 發表於 2014-3-6 16:35
生石花可以換泥
先修根留，只留1cm 主根
暫時先乾土植入

謝謝PAUL兄指教。