學車

我想九、十月學車呀，你地係邊間學車㗎？價錢相差得遠唔遠？有咩要注意㗎？謝謝。

我以前係跟私人師夫. 家下乜都要跟學校, 好似話會易d pass. 你考邊區呀?

我都聽朋友話駕駛學校容易d合格,但實戰經驗就會差過跟師傅~
所以最好係合格o左,再跟師傅補鐘~

你學幾多個"look"呀?
駕駛學院時間好難book架~(我果時係學2個"look")

原來學院容易pass D架，仲要“簡“邊區呀，我估香港區方便D，近返工，我學四個"look"啦，我D平行力好差架，兩個"look"唔掂架。

咁，跟師傅學同學院，價錢大唔大分別架，好~~~等我去格下價先。

唔該晒各位。

香港區普遍多車多人路又窄，小心ｄ咁啦～
找間易book時間既學院先啦，佢地應該有好多 advice 既～

我之前補鐘個師傅收150元/45分鐘,教得好又唔鬧人,係朋友介紹既~

學院係貴好多嫁！我係學院自己租兩個「look」練車都唔只呢個價錢啦！

不過其實好睇你同個師傅夾唔夾，有 d 好人 d，有 d 惡死 d，睇你受邊套。

邊到學都唔緊要，最重要係多練習，情願學多幾個鐘，熟習多 d 路面情況。唔好心急，廿個鐘就想考個牌番黎，就算考到第日自己揸出馬路都唔安全。