Living Dead (附加死因研究庭)

這棵Phyllanthus mirabilis‏來了我家已數月，在受鄰近植物感染蟲害後，本來已康復並出了一些新葉，可惜在我出門的數天內，所有葉子竟全掉落，新出的葉子亦全枯萎。 經過數天連枝幹的頭也自動斷掉了一小塊，變成現在的樣子。這些相片已是一個月前剛給完了水拍的，現在已成個月沒有再給水，但它的身體仍是"林林"哋(雖然泥已dry到飛起)，好似有好多水在內，請問它是否已成仙?

佢要好多水嫁，且喜陰。
看好沒了！

Audrey 發表於 2013-12-5 12:22
佢要好多水嫁，且喜陰。
看好沒了！

請問版主，我依家仍要給水嗎? 因為賣家話佢有休眠期，我見佢成個身都"林林"地，唔知要點淋? 同埋要隔幾耐淋一次水?  謝謝版主救亡之恩。

April104 發表於 2013-12-5 12:31
請問版主，我依家仍要給水嗎? 因為賣家話佢有休眠期，我見佢成個身都"林林"地，唔知要點淋? 同埋要隔幾耐 ...

拿出泥看看，如全'林林'，就是毋 la!
香港現時的温度應未休眠。

Audrey 發表於 2013-12-5 12:44
拿出泥看看，如全'林林'，就是毋 la!
香港現時的温度應未休眠。

明白，謝謝版主。

我已用大乾大濕的方法，一星期淋水一次，佢依然失驚無神死比我睇
有師兄可以話我知死因嗎?

如果係淋淋地, 應該係水多, 爛根了

powergun 發表於 2013-12-6 11:04
如果係淋淋地, 應該係水多, 爛根了

可能下次要再耐啲先淋一次水

安慰一下

April104 發表於 2013-12-6 11:08
可能下次要再耐啲先淋一次水

可能係你d泥唔夠疏水所致

April104 發表於 2013-12-6 10:58
我已用大乾大濕的方法，一星期淋水一次，佢依然失驚無神死比我睇
有師兄可以話我知死因嗎? ...

Thank you...

powergun 發表於 2013-12-6 11:13
可能係你d泥唔夠疏水所致

我係用多肉泥再加少少肥

April104 發表於 2013-12-6 11:15
我係用多肉泥再加少少肥

或者可加返d 珠石或珍珠岩個類的疏水物料
正常泥係會越淋水越實的, 大乾大濕, 其實可能係因為d 泥太實, 搞d 水積聚太多係盆底, 以致爛根的, 加左疏水物料有時仍會爛根的, 何況你唔加

powergun 發表於 2013-12-6 11:24
或者可加返d 珠石或珍珠岩個類的疏水物料
正常泥係會越淋水越實的, 大乾大濕, 其實可能係因為d 泥太實,  ...

好的...
但如果加咗啲疏水物料後，我點可以各知佢重有無爛根?

April104 發表於 2013-12-6 11:29
好的...
但如果加咗啲疏水物料後，我點可以各知佢重有無爛根?

有時要靠經驗的, 見到佢唔係好精神就要小心了, 植物無事時個樣係好唔同d 的, 同人一樣的
同埋要睇種類, 有d 植物會少爛根的, 如花貓, 岩桐, 香草類, 呢d 可以淋多d 水都無問題的, 但多肉, AV, 喜蔭類一水多就常爛根的, 要多留意了

April104 發表於 2013-12-6 10:58
我已用大乾大濕的方法，一星期淋水一次，佢依然失驚無神死比我睇
有師兄可以話我知死因嗎? ...

從相中見到，毋 mug 出根。

Audrey 發表於 2013-12-6 11:48
從相中見到，毋 mug 出根。

請問版主，係咪啲泥唔夠好，令佢出唔到根?

April104 發表於 2013-12-6 11:53
請問版主，係咪啲泥唔夠好，令佢出唔到根?

唔出根有好多原因，用泥只是其中一個。
你用啲泥我毋用過，如你其它肉質都是用同一種泥，
那便不是泥的問題。