子寶、虹之玉—搶救中⋯

特別鳴謝：火師師兄指教～
而家子寶差唔多過咗十日，有氣息
（巧開心呀⋯）
另外，虹之玉第一次出根，感動⋯T^T

客氣！
其他肉友都有份俾意見，加油！

多謝各位師兄師姐
但我想問：咁虹之玉我放咗落泥到而家
有二十日喇，覺得啲泥好乾，但又驚淋水會死
應該點做？

你可以試下以下「快速引根」方法：

(相片1) 用麥記或7仔思X冰杯，將杯蓋反轉放上杯身上面形成好似隻炒鍋，再放上多肉植物葉起炒鍋上，杯底裝載少量水，當陽光照射或杯底受暖既時候水份就會慢慢蒸發成霧氣上升，多肉植物葉大概一個禮拜左右生根順著水份方向而追，簡稱「引根」。
(方法由PercyMKLau提供)

(相片2) 因為環保，很多盆底我都用膠水樽剪成得嚟，後期我發現有啲多肉植物既根會生落追向吸膠水樽底淋剩餘既水！

因為你既虹之玉已生根及上左盆，你可以試用 (相片2) 既方法！

阿火 發表於 2013-11-13 13:04
你可以試下以下「快速引根」方法：

(相片1) 用麥記或7仔思X冰杯，將杯蓋反轉放上杯身上面形成好似隻炒鍋， ...

但係火師兄，因為係第一次成功生根
我唔敢掂佢呀⋯
（因為好似話如果佢生根時比人郁過會死）
咁點算？！

JoanneBB 發表於 2013-11-13 14:53
但係火師兄，因為係第一次成功生根
我唔敢掂佢呀⋯
（因為好似話如果佢生根時比人郁過會死）

我意思係，你可以參考(相片2)既方法，唔需要郁虹之玉，起現有既虹之玉盆底加膠樽作盆底，起膠樽加少少水然後放後散射光既地方，膠樽底水就會慢慢蒸發成霧氣升上花盆.... 深層泥土就會濕潤而虹之玉既根會慢慢追向深層泥土裡！

(相片1) 只係供你將來引根時使用！

呢種方法係同噴霧氣俾多肉方法差唔多，唯一分別係：噴霧氣係由上而下噴因此多肉植物葉身都有機會潮濕而肉身“軟林林”起來。
而用盆底水慢慢蒸發成霧氣升上盆裡可以令深層泥土保持濕潤而唔會令多肉植物既肉身潮濕，同時亦令多肉植物根向深層泥土發展！

呢種盆底霧氣方法係由AV既棉芯吸水法改良而嚟：
http://hkplants.com/forum.php?mod=viewthread&tid=135179&fromuid=83876


又或，你可以用浸盆法令深層泥土濕透而泥面多肉植物仍保持乾身！

虹之玉幾好出根好快有野睇,
但係你D泥應該係高手先種到個種LOR

呢個方法好正啲水又唔會周圍流

又是一種很好的方法 !

阿火 發表於 2013-11-13 15:18
呢種方法係同噴霧氣俾多肉方法差唔多，唯一分別係：噴霧氣係由上而下噴因此多肉植物葉身都有機會潮濕而肉身 ...

多謝火師兄教路！
我會試吓

阿火 發表於 2013-11-13 15:18
呢種方法係同噴霧氣俾多肉方法差唔多，唯一分別係：噴霧氣係由上而下噴因此多肉植物葉身都有機會潮濕而肉身 ...

咁棉芯吸水法點整條棉芯喺花盆度？
換盆嗰時已經加棉芯？

sunrise 發表於 2013-11-13 15:43
虹之玉幾好出根好快有野睇,
但係你D泥應該係高手先種到個種LOR

吓？係咩？我冇理過佢㗎！
佢支莖軟晒我就咁掉返落盆度等運到
第一次成功出根咋⋯之前100%死亡率

JoanneBB 發表於 2013-11-13 21:01
咁棉芯吸水法點整條棉芯喺花盆度？
換盆嗰時已經加棉芯？

棉芯吸水法可以換盆時加，如果已經換左盆亦可以後加，用類似眼捷毛鉗輕輕力將棉花隊入盆底！

但個人認為，棉芯吸水法唔適合應用多肉植物身上，因為棉芯吸水法令花盆內深層泥土長期處於濕透情度高，多肉植物基本上唔需要長時間被供水！

棉芯吸水法適合應用AV身上！

補充：(相片 2)唔係棉芯，係多肉植物既根生出嚟追向膠樽底既霧氣！

阿火 發表於 2013-11-13 22:43
補充：(相片 2)唔係棉芯，係多肉植物既根生出嚟追向膠樽底既霧氣！

哦～完全明白晒，多謝火師兄詳細指導
希望虹之玉可以延續生命～

死喇⋯虹之玉啲根乾乾哋⋯
請問各師兄師姐，我應該點做好？
噴水喺啲根度？定泥度？

JoanneBB 發表於 2013-11-16 00:40
死喇⋯虹之玉啲根乾乾哋⋯
請問各師兄師姐，我應該點做好？
噴水喺啲根度？定泥度？ ...

我幫你唔到, 我個d 都死清光, 可能要等 M&M 自我禁言完至答到你, 或搵xx_Luca大師都得, 佢地至係種虹之玉的專家