新手做手工皂

大家好，

我家中種了各種香草，如左手香、碰碰香、艾草、香茅、羅勒等，因為我很少煮食，加上已有超過十幾廿樽環保酵素﹐用緊非洲黑皂，但係唔便宜，十份好用，所以想自己動手做不同材料的肥皂。

網上多數只找到材料及份量。

http://lisa-web.myweb.hinet.net/new_page_3.htm

這個網我就找到製作程序，請問各師姐有沒有補充? 有什麼需要注意?

這個冷製法應該就是在 8.加入添加物時，加入左手香汁液。

攪伴機要加水才可開得動，左手香係咪要隔渣先可加入?

加左水去左手香到攪碎，原本鹼水的份量係咪扣反相應的水?

點樣保留鮮香草的香咪?

我有其他ORGANIC香薰油，係咪可照加?

不如你先試左置頂的建議配方先啦，因為要顧的油種比較少，油種也比較普及和大眾化

買一本入門書跟住步驟也是好方法，先讀下書，睇下呢個forum 的帖，然後再寫出你打算做的配方，大家討論下，再開工，成功機會大好多架．
學習初期不建議加入essential oil, 其實essential oil 入皂時，因NaOH水加油的化學過程已完全破壞精油成份，是沒有療效的，留下的只有精油的香味，除非你不介意成本.　坊間說的效用，只是廣告商品吸引客路為目的．
要保留鮮草的香味是不易的，因皂化過程和晾皂期間會散掉大部份香氣原素．真的要保留香氣，可加入相類似的精油，記得不要加入香精，不同的香精對皂化都有影響，會有不可預知的皂化速度和情況出現，可能令到你手忙腳亂架．初學者絶不宜用香精．

另外，其實香草打汁入皂不用作添加物，例如你用左手香，先要打汁，隔渣，淨汁雪成冰，然後用來溶NaOH，效果會更好的．

左手香係要幾大量才打出汁的，純汁可能要用上一個大紅膠袋的左手香．當然你可以一比一加水或奶入機打汁啦．

記得乜草汁拿來溶NaOH，事前必須造成冰才去溶NaOH．若以水狀溶NaOH，會有不可預知的化學反應，出現一舊舊或怪味或燒焦問題．

看看呢度好多曾是新手的帖（其實我幾年前都係～），大家都有不同程度的蝦luk 野，你睇完會獲益良多架～

jellyfishy 發表於 2013-9-4 15:49
看看呢度好多曾是新手的帖（其實我幾年前都係～），大家都有不同程度的蝦luk 野，你睇完會獲益良多架～ :lo ...

謝謝你，好像好多學問，我會先多爬文，或者上一些手工皂工作坊後才自家做。

jellyfishy 發表於 2013-9-4 15:38
不如你先試左置頂的建議配方先啦，因為要顧的油種比較少，油種也比較普及和大眾化

買一本入門書跟住步驟也 ...

謝謝你，依幾天都在爬文，好想快的動手做。

另外，我見到台灣有的網址教人用環保酵素融NAOH，不過佢無雪冰。

因為我家中有幾大桶，用黎噴過廁所及屋外圍，

唔知有無人試過雪冰黎入皂呢?

toby_1023 發表於 2013-9-11 11:19
謝謝你，依幾天都在爬文，好想快的動手做。

另外，我見到台灣有的網址教人用環保酵素融NAOH，不過佢無雪 ...

想請問那位台灣網友有沒有指出用環保酵素做皂的原因和效果?

環保酵素有很多雜質,基本上是一些發酵的東西,雖然有清潔作用,但拿來打皂我會覺得怪怪的.

新手打皂我會建議用簡單的材料和配方,熟習技巧和當中的變化過程後才嘗試較複雜的組合.

我有朋友跟書做,但其中一個配方做起後件皂軟爬爬,再計一次INS值才知只有102.

所以有時盡信書不如無書,我通常會把書的配方再計算一次,可避免出錯的機會.

我打了3年皂,起初充滿好奇,甚麼有也想玩.現在呢,開始反樸歸真,偏向實用為主.

希望樓主發掘更多打皂樂趣,期望和我們分享啊.