新手求救 - 垂死但好有紀念價值的多肉植物

顯示全部樓層

之前未接觸過多肉,結婚時想要一個可以再種的花球,花店就替我做了個多肉的花球,當其時好靚

,但我種了三個月,變晒樣...唔靚仔都算,個個仲好似唔多健康...徒長,甩葉,發黑,發黃,葉子變軟...我有爬過文,知道多肉不可以澆太多水,我當初又貪靚用玻璃盆,無去水位,不敢澆太多水,但佢地個樣又好似好口渴...定係曬得唔夠太陽?
各位高手救下佢地啦....

小明 · 發表於 2013-3-1 09:42:30

兩個問題都存在, 光線不足會徒長, 水多會爛根, 用玻璃瓶種, 要非常小心控制水份, 因為水份不會流走, 盆底濕度高, 容易爛根/爛芯.

sunrise · 發表於 2013-3-1 11:22:10

換盆, 重新再種LA, 放到有陽光D地方
如果室內, 我睇都係BYE BYE LA.

paulpaul · 發表於 2013-3-1 12:51:13

景天係非常需要陽光既多肉
所以要救一定要漸漸加光
另外玻璃盤係唔適合種植快換

katseng · 發表於 2013-3-1 14:29:31

多謝各位
咁佢地發黑同軟手軟腳係咪因為爛左根呀??我仲以為係唔夠水份....
請問Paulpaul要漸漸加光?其實每日都有放o向窗台邊隔窗曬(但我屋企長時間唔開窗),係咪應該要放天台太陽直射?但我又睇過話唔可以太曬太熱...應該點好?

羡仙 · 發表於 2013-3-1 20:03:38

景天.....太曬應該可以......秋冬太陽很適合他們..
前提是根巳養好.....

太熱是不太行..........26...7度左右開始休眠...
大約是春秋生長.....
也有夏型種......數量較少....

窗台邊隔窗曬(但我屋企長時間唔開窗)

換盆....有孔的...

長時間唔開窗........空氣較不流通...
土要疏水一些.......多加些顆粒....
去到4...5成....

十二卷....

另外種.......盆要選深些....
配土比較考究....
根系和景天是不一樣......

katseng · 發表於 2013-7-25 23:29:42

唔好意思,隔了幾個月又再叫救命...話說上次問完各位高手,即刻換盆再搬晒上天台吹風~曾經都生活得好開心~

康復中....

但一到夏天,問題又來了....

這個換盆後就有點發黑...後來又再嚴重了....好不容易等到長新葉了,也是有斑的....

這是另外一盆同品種但生長得比較好的
去過花墟問人,她說是我淋水時弄濕了葉片沒有吹乾所致....
現在我已經好小心淋水,但為什麼新長的葉都有斑呢?是有病菌嗎?

另一盆....

葉一片一片的乾,開初以為是前陣子太陽太猛,曬乾了,後來搬到有遮蔭的地方,情況一樣.......我應該淋多點水?還是有其他方法呢? 但我之前試過浸爛另一盆同品種的....好驚....

第三盆....本來係三個頭的,還有超多側芽,突然一天從莖開始萎縮,坎頭也來不及了...其中一個頭有5cm左右,吃乾,落泥,過幾日又再萎縮.....現在只剩這個,吹了好幾天,有救嗎?

謝謝各位~~

小QQ · 發表於 2013-7-26 01:24:12

查實你有天台，夠晒通風，啱晒多肉們。
我也是多肉新手，你跟返樓上各位大大的指導，通風，疏水，太陽。

BluePrincess · 發表於 2013-7-26 04:13:16

多肉的花球,樓主實在很有創意~
少接觸多肉,不過都希望你的肉肉無事啦

katseng · 發表於 2013-7-26 13:23:42

我都知道天台已經係好好,可能真係自己唔識打理....唯有再小心o的,希望佢地夠堅強,捱得住啦....

almond17 · 發表於 2013-7-27 11:57:48

放天台有無遮雨遮太陽?
夏天唔遮太陽好易曬傷. 我已經曬傷左幾盆

銀星唔需要太曬,陰頂養就OK.

crazyryan · 發表於 2013-7-27 15:29:27

幾個問題，我覺得：

睇相好多葉都偏黃，走走地色。可能太晒、或太熱。(香港夏天的太陽，其實就算多肉，都好難頂的)

擺位......放角位其實唔係好通風，不過其次。但放地下，地下的石屎瓷磚其實好吸熱的，晒到興晒再蒸番上黎哥下，其實好熱......

我試過度過，屋企向東，9點鐘的地下，當佢日出後晒左兩個鐘，已經36度！但離地一呎，只係29度，差好遠。

建議你搵d 野墊墊佢，升高d。

泥，見你好似用科學泥為主？我近期主要用晒赤肉土，疏水d 。

abe_bell · 發表於 2013-7-27 23:08:36

有另一個方法是嘗試將植物開枝散葉，其他看看可否救回。

katseng · 發表於 2013-7-28 11:24:31

其實有個玻璃頂,不過朝早依然有機會直曬...
咁等我諗諗點樣墊高佢地同遮蔭做得好o的啦....
泥方面,我係用普通泥溝珍珠岩...最近都見好多人會用赤玉土,等我都研究下先,但係咪秋天換安全o的?
我之前都有嘗試幫佢地開枝散葉,但又係一到夏天就死左好多,淨番o個o的又好似停止生長咁(約3 - 5 mm大)

xx_Luca · 發表於 2013-7-28 11:44:55

我都覺得唔好諗換盆換泥 D 野住喇, 等秋天先攪啦.
睇返第一張相, 有幾盆既頂芽已經正常返, 應該係搬左上天台日照好左改善左. 但長期室內一轉天台全日照好辛苦的, 試下只曬早上兩三個鐘, 中午以後休息.
樓上花友講得好岩, 地磚太熱等於烤肉呀.
第四張相肉肉已經好好多了, D 斑點唔好理佢, 天涼左就會靚返了, 加油 ~

katseng · 發表於 2013-7-28 13:04:19

多謝大家呀,聽完大家講都安心o的,只要唔係絕症,即係仲有得救,我都會盡量能力改善下佢地o既生活環境~~
好心急,好想快o的秋涼~

青檸檬 · 發表於 2013-8-25 23:47:39

多肉花球？好想睇呀，請問可唔可以分享花球相片呀？謝謝

Melb · 發表於 2013-8-26 12:09:05

katseng 發表於 2013-7-28 13:04
多謝大家呀,聽完大家講都安心o的,只要唔係絕症,即係仲有得救,我都會盡量能力改善下佢地o既生活環境~~
好心 ...

現在植物最新情況如何ar?