遇上恐怖的士司機

剛剛一個人搭的士回家,上車時同司機講去xx.佢冇應我,我不以為意.
行o左大約20分鐘車,司機忽然轉入一條小山路,呢條路係返唔到我屋企.
我即刻同司機講: "呢條路去唔到xx"
當時司機冇停車,只係冷冷咁講: "呢條路去到xx"
我好驚,即刻話: "唔該駛番出大路吖,我住o係xx,我肯定呢條路去唔到"
司機唔理我,繼續行車,只係行慢o左少少,然後忽然好大聲兇我:"我話去到就去到!!"
我堅持要出番大路,佢直頭唔答我,繼續向前行,我叫幾次停車佢都唔理.
條山路黑漆漆,我驚到即刻打開車門,好大聲喝佢停車.
條山路好窄,旁邊係大樹,我開o左一扇車門,架車唔可以順利繼續向前行,而且我不停好大聲叫佢停車出番大路,結果佢先至肯掉頭~
出o左大路,先至定番少少,我即刻叫佢改車我去市中心,佢唔應我.
直至我見到前面巴士站有人,即刻叫佢o係巴士站放低我,佢又唔應我.
我驚佢繼續行,所以就快去到巴士站時,即刻作勢要開車門,佢終於停低架車.
落o左車仲未驚完,因為我好肯定o個條小山路係去唔到我屋企,而且個司機好怪,由上車到落車,佢只係講o左兩句話,而且語氣唔係太正常.
我真係好驚好驚!!!!!!!

請問你想去邊的？
有冇留意條小山路咩名
你由哪裡出發打的

[ 本帖最後由 loklok 於 2008-6-13 01:47 編輯 ]

原帖由 loklok 於 2008-6-13 01:45 發表
請問你想去邊的？
有冇留意條小山路咩名

我冇留意條小山路既名,當時落緊小小雨,附近環境又黑.
加上佢既舉動&語氣令我好驚,驚到連車牌號碼都唔記得抄低.

我有家人都渣的，有時入山路常常都俾人懷疑既...

行o左大約20分鐘車
長程客呀，
佢應該唔會對你有意圖

原帖由 Christsui 於 2008-6-13 01:53 發表

我冇留意條小山路既名,當時落緊小小雨,附近環境又黑.
加上佢既舉動&語氣令我好驚,驚到連車牌號碼都唔記得抄低.

夜晚一毎人坐的士要小心d，好"在"你無事﹗如果夜晚我一個人搭的士，我會叫朋友送我去搭車，然後當著司機面前，同我朋友講﹕我返到屋企打電話比你﹗或者上的士後即刻傾電話直到落車﹗咁個司機就唔敢亂嚟﹗

我真係想知道下係邊度開始乘車

係播，有沒有留意車內的駕駛證。

原帖由 loklok 於 2008-6-13 01:57 發表
行o左大約20分鐘車
長程客呀，
佢應該唔會對你有意圖

我pm佐我要去既地方比你,我唔明點o個個地方點解要行小山路.
我都驚自己冤枉好人,但係點解我大叫多次佢停車佢唔停,又唔應我?
點解又忽然好大聲兇我?

原帖由 loklok 於 2008-6-13 02:07 發表
我真係想知道下係邊度開始乘車

係播，有沒有留意車內的駕駛證。

我o係將軍澳上車,當時只係諗住點樣脫身,冇留意駕駛證.

原帖由 nuage 於 2008-6-13 02:04 發表


夜晚一毎人坐的士要小心d，好"在"你無事﹗如果夜晚我一個人搭的士，我會叫朋友送我去搭車，然後當著司機面前，同我朋友講﹕我返到屋企打電話比你﹗或者上的士後即刻傾電話直到落車﹗咁個司機就唔敢亂嚟﹗ ...

我好少夜晚一個人搭的士,平時係自己駕車,但最近借o左架車比朋友,點知發生o左小小交通意外,我架車被扣查.
原本我男朋友接我放工,咁岩佢公司有d突發工程要跟手尾,我唔知佢要搞到幾點至走,所以自己搭的士返屋企.
你呢個辦法幾好,等我下次用.唔該晒~

[ 本帖最後由 Christsui 於 2008-6-13 02:37 編輯 ]

阿lok,
你係唔係仲運算緊我個行車路線呀?

按你描述，睇怕司機可能係有意圖

[ 本帖最後由 loklok 於 2008-6-13 02:59 編輯 ]

原帖由 loklok 於 2008-6-13 02:57 發表
按你描述，睇怕司機可能係有意圖

多謝你既詳細解釋~
我唔肯定佢係o係第一個定第二個路口轉左,如你所說,一個路口係轉入死胡同,另一個不知名小路可以接上我要去的地方.有大路唔行已經好奇怪,加上古怪的言行舉動,難免令人懷疑.

女仔一個人坐的士, 上車馬上打電話好家人,說出坐緊的士, 車牌號,  叫佢在下車地點等你

係呀,如果我坐的士見有乜野勢式唔對就先打比老公,話我坐緊的士xxxx,幾耐就到,你向xxx接我啦,跟著打sms比埋司機個名佢tim

好恐佈!好彩無事ja
你都好醒
司機見你咁麻煩
會好難落手
所以先放過你ja

原帖由 prodorothyhkg 於 2008-6-13 10:06 發表
係呀,如果我坐的士見有乜野勢式唔對就先打比老公,話我坐緊的士xxxx,幾耐就到,你向xxx接我啦,跟著打sms比埋司機個名佢tim

有時見有乜野勢式唔對可能嚟唔切打電話, 最好有理冇理, 一上車就 call 家人

見有唔對路, 真好假好, 都打電話, 萬一佢真係想有企圖, 見你同人講緊電話, 都冇咁放胆行動

睇完你個經歷, 水母都覺得心驚驚啊~
我平日深夜打的都無打電話報告的.... 咁呀.... 打俾邊個好呀? ... 突然間覺得你地d老公好有用添~

我都成日搭的士       怪司機的確唔少       Christsui你的經/驚歷 ........ 好可怕啊  

peter & prodorothyhkg,
我屋企冇人o係度,平時我男朋友都會盡可能早過我返屋企,但係尋晚佢有野做緊,我唔想一路講電話阻住佢,只係上車前同佢講搭的士返屋企,返到去再打比佢,點知就發生d咁既事.
有同事知我呢排間唔中要搭的士出入,都叫我call車,但係我嫌麻煩,次次都o係街截車,下次一個人搭長途夜車,都係call車穩陣d.