(急)又到佢地出事啦!!

除了上次棵小虹玉, 今次又到佢地出事啦....
其實佢地到係4日前換盤, 之後我見佢地d肉粒開始變色, 大家有冇咩方法可以救救佢地呀?!
仲有哥棵碰碰香, 佢好似就死咁....
到底有咩方法可以種到佢地健健康康,肥肥綠綠呀?

D泥好似太濕, 太焗....透唔到氣....先會令肉肉發黑wo

咁熱唔好換盆麻......

要制水啊~~~~忍下手~

明白, 咁我現在係唔係應該唔好淋水唔好理佢等佢幾個星期呀?!

miracle 發表於 2013-7-15 12:49
明白, 咁我現在係唔係應該唔好淋水唔好理佢等佢幾個星期呀?!

其實我建議換返D 乾既泥...

之後1至兩星期不動...同埋都唔使鋪咁多石仔係面

雖然有保濕功效...但太濕時好易爛根..

多肉植物通常都係水多, 但碰碰香都搞成咁就真係高手

powergun 發表於 2013-7-15 13:45
多肉植物通常都係水多, 但碰碰香都搞成咁就真係高手

都唔係ar

我都試過碰碰香攪成咁...

但抽返佢出來...換過D 乾既泥.....之後唔比水佢一星期...

再澆返少D水...現在就無事了...

生得幾好

powergun 發表於 2013-7-15 13:45
多肉植物通常都係水多, 但碰碰香都搞成咁就真係高手

佢地雖然粗生，但種死一d都唔難，新手唔知道佢地"皮性"，會出現這個情況一d都唔奇怪，
這不就是大多數花友(包括我自己)都經歷過的"交學費時期"嘛。

- - - - -

樓主加油，景天怕熱，而且換過盆傷了根(換植料時間係唔適合，不過你都換左了 )，係會冇精神一段時間，你的植料是否仙人掌用植料？放的地方要通風陰涼，現在傷過根未好返忌晒太陽、忌濕焗。

碰碰香的情況…，我建議…放棄

碰碰香 我送比你吧啦

D 肉睇落去, 無乜事,
換完盆要D時間緩下,
多肉要死,個陣, 比你見徵兆都係無乜得醫.
真係要有定平常心先好,
但係景天最好下次無乜事唔好夏天換盆,

你棵碰碰香.係未又岩岩換盆, 未D根未生番, 好正常
呢個時候, 生唔生到真係耍睇天,生唔到唔好再種住
等秋天問下人, 大把人有, 好易種番,

powergun 發表於 2013-7-15 13:45
多肉植物通常都係水多, 但碰碰香都搞成咁就真係高手

我係摧花高手....言重了~~

多謝各位師兄教路!!!
睇完你地d野,個心都定d!!

棵碰碰香之前有好多枯葉, 我剪左之後, 慢慢等佢好轉啦