社區苗圃一問

各位好, 我係新加入花友, 剛抽到康文社區苗圃, 見有帖講原來想種得好係要識揀個靚位同要開田, 請問抽田時應該揀邊d位會好d? 近外圍定中間？分別响邊度呢？

同埋想問下開田時有d咩要做, 除咗要翻鬆泥土，仲要做d咩？駛唔駛施肥, 施邊d肥好d？見到有花友說要焗田, 又有咩作用呢？

希望各位高手多多指教, 謝謝﹗

好似抽號碼, 唔係你自己揀架

係？康文個職員打俾我時話叫我早啲去睇下想要邊度, 到時寫個no.俾佢地, 睇下抽唔抽到...

我爬咗部分文章, 我諗住抽田果日開埋田, 係咪帶耙, 骨粉, 花生夫就ok? 其實焗田係咪必需架？開完田後隔幾多日可以播種呢？

咁可能個個田唔同, 我係荃灣係公開抽; 好似有工具提供, 你問清楚你個到有無; 骨粉/花生夫/石灰, 石灰作用中和返佢ph值; 焗田係因為唔知之前有無虫/菌個類, 帶黑膠布或黑色垃圾袋到時剪開, 翻完田放面焗下佢, 如果天氣熱又有太陽, 一個星期乜都死啦; 你幾好培定苗先; 呢期以瓜/果類為主, 菜就要揀合時菜...如潺/通/莧個類

candylpy 發表於 2013-5-15 19:34
咁可能個個田唔同, 我係荃灣係公開抽; 好似有工具提供, 你問清楚你個到有無; 骨粉/花生夫/石灰, 石灰作用中 ...

THANKS, 我聽日再問下先~順便問下係咪每日有人淋水？哈, 真係咩都唔知

我暫時買咗紅筧, 節瓜, 菜心(話耐熱), 仲有小圓茄子, 希望成功啦~

kititiiwhite 發表於 2013-5-15 20:20
THANKS, 我聽日再問下先~順便問下係咪每日有人淋水？哈, 真係咩都唔知

我暫時買咗紅筧, 節瓜, 菜心(話耐 ...

我種菜心，芽虫多到呢
隔離青莧乜虫都冇

weels 發表於 2013-5-15 20:24
我種菜心，芽虫多到呢  
隔離青莧乜虫都冇

下

我無諗過蟲害tim...我驚我攪唔掂...omg

莧菜ok的話, 仲有邊d係新手岩種架~

kititiiwhite 發表於 2013-5-15 20:57
下

我無諗過蟲害tim...我驚我攪唔掂...omg

靑瓜都OK

乜瓜都耍拿拿聲培苗。除非隔離田都有人種，否則一棵瓜不易有果收。每種都要X2, X3咁種。

菜心...真係好似唔岩季節囉

candylpy 發表於 2013-5-15 21:53
菜心...真係好似唔岩季節囉

唉 難道被騙了...店主話係"耐熱"嘛 = ="
唯有聽日再去買其他品種

耐熱即無咁易熱死, 唔代表無虫咬

種瓜/豆個類啦

試下番茄? 我抽到那期有人種到迷你冬瓜、番薯、花生、香草、辣椒仔，他們有經驗，一早培苗，在塊田四週種蔥、蒜頭驅蟲。

塊田平時沒有人淋水的，全自助。

社區園圃係有人淋水架
種瓜一定要包瓜
唔係果螢會食先過你嫁

努力爬咗一晚文, 拿拿臨浸咗d節瓜同茄子種子, 聽日再睇下有咩岩種, 順便買定d骨粉花生夫同石灰粉先~

kititiiwhite 發表於 2013-5-15 21:57
唉 難道被騙了...店主話係"耐熱"嘛 = ="
唯有聽日再去買其他品種

我D芽虫菜心都是耐熱種

如果你可以KO哂D螞蟻，就冇芽虫

今日去買過d旱甕同青豆角種子返來浸, 原本想買骨粉同花生夫, 但店東叫我買款叫愛多收天然有機環保肥料, 一包兩隻手掌咁大可以分4-5次落, 有無花友試過, 係咪都ok架？(唔識upload相...)

另心思思去咗苗圃度睇啦, 好開心見到已經有姨姨幫手翻緊土同除草, 問咗佢地原來果度一般工具都有响度, 亦有人早晚淋水, 果個姨姨仲話個苗圃d人種得幾好, 叫我唔好嘥時間焗田, 就咁帶肥就得。

唔知唔焗田風險會唔會好大？好期待^

你抽到邊區？可以自己揀田是否獅子山？唔駛担心，抽完田導師會好詳細教你點開田，如果你是初哥就避免種種十字花科植物因太易被蟲咬(避免種菜心，白菜，豆類）可種少蟲害嘅青瓜，Basil, 秋葵，莧菜，潺菜

MilkMilk 發表於 2013-5-16 19:49
你抽到邊區？可以自己揀田是否獅子山？唔駛担心，抽完田導師會好詳細教你點開田，如果你是初哥就避免種種十 ...

屯門。。。其實有啲唔方便。。但我上網睇時得呢度可以申請同較少人抽，所以照試咗先~

如果應付到，下一步應該係會去物色合適的田地作長期耕作...不過一切言之尚早，可能呢造作物已打沉咗我 = =＂

種植過程雖然辛苦或者會有失敗，但從中你會學懂怎樣種才會食得健康 及自己種出來嘅成果特別好味