想問吓蝸牛對植物係益虫定害虫?

蝸牛係咪會食葉片?  想問吓蝸牛對植物係益虫定害虫?   ***其實正式嚟講佢唔應該定為昆蟲呢~

我就不歡迎牠們居住在我花園了，因為牠們能一夜間把嫩葉吃光

蝸牛係清道夫，幫忙食田既腐爛葉片，爛莖，爛乜爛物，唔使養咁多菌。但你種既小苗，嫩芽，菜葉，佢地都會覺得美味非常。是敵是友？自行定斷。

victorliu:  點都好過蛞蝓........個样仲衰......

{蛞蝓}  字就見過, 即係點樣呢?　會唔會有其他叫法？　好似蟑螂同曱甴

金盞花 發表於 2013-5-30 14:57
victorliu:  點都好過蛞蝓........個样仲衰......

{蛞蝓}  字就見過, 即係點樣呢?　會唔會有其他叫法？　 ...

蛞蝓即係所謂的鼻涕蟲, 無殼的蝸牛


elevala  一樣都係咁衰! 見到就討厭 >,<
我以前試過養蝸牛做寵物架, 好好玩的, 不過後來d人話蝸牛好多菌, 唔比再養

其實蝸牛同蛞蝓都真係好討厭。
小時候，鄰居小弟無聊，雨後，用木筷子捉了整滿湯碗的蛞蝓，送我做午後甜點，臭罵佢一頓後，他心有不甘，氣上心頭，拿他媽媽的鹽巴放湯碗面掩蓋著它們。。。。。

Maximum 發表於 2013-5-30 16:42
其實蝸牛同蛞蝓都真係好討厭。
小時候，鄰居小弟無聊，雨後，用木筷子捉了整滿湯碗的蛞蝓，送我做午後甜點 ...

我細個時重無聊呀, 蝸牛天冷要冬眠的, 佢冬眠時會係蝸牛殼出口處分泌一層薄膜, 將自己隔離的, 我鍾意係佢冬眠時整爛佢塊膜, 然後灌水落去迫佢出黎, 如果佢係都唔出, 就倒d 驅風油落去, 拿到佢出黎, 大家千萬唔好學我呀

powergun 發表於 2013-5-30 17:01
我細個時重無聊呀, 蝸牛天冷要冬眠的, 佢冬眠時會係蝸牛殼出口處分泌一層薄膜, 將自己隔離的, 我鍾意係佢 ...

原來個個都咁痛恨蝸牛〜〜

小時候，一大班小朋友放學聯群結黨回家去〜下雨天，一人一把傘子打著，無聊著奔奔跳跳地走，遇著大蝸牛，跳高、踩下，蝸牛殼碎裂聲清脆響亮，外殼好像雞蛋般裂開，入面軟軟的蝸牛身體剛好墊著，好似加左防震系統。同學們說下雨天最爽是這樣。

我只可以。。。。

Maximum 發表於 2013-5-30 17:55
原來個個都咁痛恨蝸牛〜〜

小時候，一大班小朋友放學聯群結黨回家去〜下雨天，一人一把傘子打著 ...

我唔係痛恨蝸牛的, 我當佢係寵物的, 用咁既方法黎虐待佢其實係貪玩o者, 個陣係細路仔, 係學校度捉蝸牛返屋企玩, 唔知佢地會咁痛苦的, 大個左至知咁做係唔岩的

同意, 細個唔識咁多野的
家下有時見到D蝸牛係條路番唔去泥面, 比日頭哂到死下死下時, 雖然我怕污糟,但我會用比狗狗飲的水幫下佢,其實所有生命都值得尊重嘅,就算係害虫,有時都可以睇情況放佢一條生路嘅

活响呢個世界, 最難係攞平衡點

我小時候~小時候都試過毒殺蝸牛, 那年初春, 在小花園種屈金香, 劍蘭, 落完球根, 便下起絲絲細雨, 幾天後, 我在花園發現小蝸牛, 起初, 每天花時間去活捉, 覺得它們都蠻可愛, 活捉蝸牛當做小小農務。後來蝸牛愈來愈多, 看著它們一家大小在園子裡開餐, 開始由憐生恨, 買了一樽毒蝸牛藥, 它們便一夜消失, 見到園子一隻蝸牛都無, 又知道自已做過咩事, 那刻 ~ 心有點 "up"

我覺得情況太差時, 係要有小小管制, 如果情況唔太差可以酌情處理,

例如 :

1. 在田邊遠處放個盆, 裝個爛蘋果+多多啤酒餵佢地, 然後趁佢地喝醉了, 你便可以為所欲為, 帶佢地遠走...............

2. 唔知得唔得, 但聽聞蝸牛很怕爬到銅器, 可考慮培苗時盆邊拉幾條銅線作保護, 長大了的植物不用怕它啦...................

純粹大家交流一下, 而我自己都會做下實驗

我魚缸啲紅蘋果螺是吃會等到蔬果腐爛才吃的. 如街外的蝸牛也是吃腐物, 捉啲做下實驗, 睇吓佢哋食唔食廚餘先!?
而蛞蝓, 我就試過捉去畀青蛙食, 轉過頭唔見咗, 所以唔知其實食唔食, 因網上睇到話青蛙只吃飛的.

只要係戶外, 唔好放屋企啲貓狗出去. 整多啲遮蔽地方, 如我啲青蛙日抖鐘意匿喺啲雜物度, 有時清走咗, 佢哋就會走, 所以而家會墊高一排花盆, 或放啲摺咗嘅小凡布, 喺牆邊位, 佢哋鐘意幾隻匿埋一齊, 有時仲會匿喺啲工具兜, 有次喺抬底拉出嚟想搵嘢, 嚇到成個彈起. 晚晚都會出現喺同一個地方, 有一兩隻仲唔驚我, 掂佢都唔走. 好搞笑.

講講下我地好似又離天萬丈了, 不過香港你想留隻青娃真係幾難家,我屋企連露台都唔多個,有兩隻蜘蛛都已經係頻危生物了..........生嘅青娃都至少十幾年冇見過鳥

victorliu 發表於 2013-6-1 10:39
講講下我地好似又離天萬丈了, 不過香港你想留隻青娃真係幾難家,我屋企連露台都唔多個,有兩隻蜘蛛都已經係頻 ...

離題冇問題 , 都係開個話題想傾吓d害蟲.  講開<蜘蛛>, 最近發現花園有蜘蛛出沒, 聽聞當發現有蜘蛛, 通常會有2隻喺左近.  蜘蛛真係可怕又可惡, 佢行得腳又快, 真係唔係咁輕易捉得到

紅蜘蛛嗎,我盆野可能好耐之前噴左BIOKILL,前幾日先係盆底揾到隻疑似紅豬豬的物体自然死亡,不過可惜我盆番茄都已經因為霉菌得番半條命了.....

昨日在電視見到大陸有人養蝸牛食，如果你食蝸牛它就是益虫。

金盞花 發表於 2013-6-1 11:06
離題冇問題 , 都係開個話題想傾吓d害蟲.  講開, 最近發現花園有蜘蛛出沒, 聽聞當發現有蜘蛛, ...

蜘蛛織網可以幫忙捕捉昆蟲,所以對植物有好處,
而赤葉蟎(紅蜘蛛)不是蜘蛛對植物有害

sasock 發表於 2013-6-1 14:09
昨日在電視見到大陸有人養蝸牛食，如果你食蝸牛它就是益虫。

香港的大大隻蝸牛是有毒的，如果唔係D雀仔一早KO佢地啦。
法國的是另一種。

金剛 發表於 2013-6-1 18:58
蜘蛛織網可以幫忙捕捉昆蟲,所以對植物有好處,
而赤葉蟎(紅蜘蛛)不是蜘蛛對植物有害 ...

明白, 不過每次見到有蜘蛛網我都忍唔住清走佢, 就係怕蜘蛛出沒.  記得試過有3次有大蜘蛛入咗屋內(連埋d爪有我整隻手掌咁大)真係怕得要死, 我怕當我瞓咗覺喺我附近出現, 又怕佢有毒; 又怕佢同我d貓搏鬥, 總之拚死都要同佢搏命, 總之唔見屍骸唔安樂

我宜家已經好好, 個胆都係咁樣練出嚟