士多啤梨，我比你搞到好亂啊/_\

我上星期係士多啤梨園帶左一盆返屋企
但我唔識打理，周圍爬文一d話佢怕濕，一d話佢鍾意飲水
我開頭幾日唔識比左好少水佢，搞到有粒岩岩開花既謝晒，變晒啡色。最近又見到有兩塊葉有d部份變啡，我以為佢又係乾得濟，但屋企人話似比野食左綠色層野，我又真係捉到條蟲（我好想喊！我成世最驚就係呢d野），到底點解會咁？？
我又怕佢唔識大，上網話要施肥，又呢樣肥又個樣肥，呢幾日又去花鋪問點施肥，買左一支水（唔敢用）、一包不知明粒粒（落左幾粒），我好擔心唔食得...我又唔識整咩肥仔水，有冇人可以指點下我？
我有落少少米水，又打算用雞蛋殼，得唔得架？

你盆野買左幾錢?
你第一次種?
你有冇換過泥搞過d根先

擺幅相上黎比大家睇下咩情況

D_ov_Hades 發表於 2013-2-23 00:02
你盆野買左幾錢?
你第一次種?
你有冇換過泥搞過d根先

我買左$10...我見佢呢盆有花有果就決定佢返屋企
第一次種，我都諗過換泥搬盆，但我唔識怕整死佢，放棄左
電話點upload photos?

其實我都好驚同佢換泥, 一個唔小心, 好地地的一棵花就會死架啦, 網上教人點種野的文章, 只可作為參巧, 實際上要依照你自己真正環境黎微調的, 譬如話棵植物係全日照環境每日要淋一次水, 要施乜肥落物藥, 但如果你係係室內種的, 照佢咁做咪死得囉, 其次都係要棵野自己可唔可以適應到你的環境, 所謂物競天擇, 適者生存

種野種得好, 好多時係要用經驗換返黎的, 要種多d就可以種得好架啦, 當然要唔怕辛苦, 唔怕污糟至可以啦

網上教人點種野的文章, 只可作為參巧, 實際上要依照你自己真正環境黎微調的 << 絕對同意

話說我有幾棵士多, 由9月中播種湊大的, 就係之前見話士多啤梨怕多水, 所以3、4日先淋一次, 大得慢又唔肯開花. 睇住2月天好快又熱喇, 急起上來大手落肥, 成壺壺水咁兜頭淋佢地( 種晌天台), 諗住浸死就算 ...點知灌水幾日見佢地明顯大左又靚左, 10日左右仲鬼鼠開花, 現在我朝朝大水照頭淋, 佢地不知幾開心, 越標越多花冧 ...
如果之前種得唔順利, 真係可以試下換個手法, 好過得個愁字, 加油 ~

xx_Luca 發表於 2013-2-23 01:27
網上教人點種野的文章, 只可作為參巧, 實際上要依照你自己真正環境黎微調的  ...

係呀, 你呢d 就係經驗啦, 種得好就可以繼續, 種得唔好就要想想其他方法, 甚至種死左都無問題, 再接再厲, 因為可能唔關你既事的, 可能係棵花自己的問題, 我試過兩棵相同種類既花, 同一樣的種植方法, 但一棵種到， 一棵種唔到, 所以大家唔好灰心呀, 可能真係唔關你事的

我仲摸索緊...日日都好掛住佢，好想快d返屋企睇下佢
（哈哈...對佢著迷左:0）

Failyfay 發表於 2013-2-23 13:39
我仲摸索緊...日日都好掛住佢，好想快d返屋企睇下佢
（哈哈...對佢著迷左:0） ...

我係公司就掛住屋企d 花花, 放左工就掛住公司d 花花

powergun 發表於 2013-2-23 13:44
我係公司就掛住屋企d 花花, 放左工就掛住公司d 花花

我有d後悔帶左士多啤梨返屋企，搞到自己成日都心掛掛住佢，琴日行花墟又想帶埋其他野返屋企(´･_･`)

Failyfay 發表於 2013-2-23 13:49
我有d後悔帶左士多啤梨返屋企，搞到自己成日都心掛掛住佢，琴日行花墟又想帶埋其他野返屋企(´･_･`) ...

哈哈, 咁你就更加唔好加入我地呢個論壇啦, 我已種到成屋都係花, 公司度成間房都比我d AV 霸住哂了, 陣間重要去花墟羅花花呀

powergun 發表於 2013-2-23 13:57
哈哈, 咁你就更加唔好加入我地呢個論壇啦, 我已種到成屋都係花, 公司度成間房都比我d AV 霸住哂了, 陣間 ...

AV 即係African violet??
放工之後又返學冇得返去淋花＞_＜

Failyfay 發表於 2013-2-23 14:32
AV 即係African violet??
放工之後又返學冇得返去淋花＞_＜

係呀
一係夜晚淋, 一係一早淋, 好多人都係咁

以現時天氣早上淋下就得架啦，最好有半日曬到太陽，新買返來植物我都會用辣椒水照夫下佢架，因為你會食用㗎嗎?唔好用農藥呀。

我自己種果D就照頭淋水，就兩星期就落一次肥，我呀媽食到唔想食呀，如果食用的用魚磷肥好D，7一8粒好啦，放係泥底，怕有蚊螆，唔係盆底呀知無。

Huenchunghong 發表於 2013-2-23 15:55
以現時天氣早上淋下就得架啦，最好有半日曬到太陽，新買返來植物我都會用辣椒水照夫下佢架，因為你會食用㗎 ...

辣椒水噴下泥同葉？
我打算食架，不過肥料用個d一粒粒既得唔得？

Failyfay 發表於 2013-2-23 16:15
辣椒水噴下泥同葉？
我打算食架，不過肥料用個d一粒粒既得唔得？

我勸你吾好搞咁多野著,
士多轉變環境你要俾佢休養生息,
通常有果有花lum一換環境都停止生長(如換泥, 我試過)

吾知你棵野咩樣, 但據我所知大6的士多苗多為淘汰苗,
如果你係hk親手摸過揀過應該好d, 所以最好有相