請教點樣紮個結實啲既棚

請問搭個抵得住風雨既棚有乜秘訣?
想搭個1.8米高x1米闊x1.5米長的棚
用黎比瓜、豆爬或者係掛防蟲網用

每隔0.5米插一支完整而没有接駁的粗竹，該竹高1.8米，共9支，然後用麻繩縛上這9支竹，共三層，最後於頂端加多一支1.5米竹和一支1米竹，同樣以麻繩縛上，如果想再穩固，可用麻繩多纏幾圏。
簡單來說，竹支的分佈從高空望去有如一個 " 田 " 字

四少：別笑我啦 ，四少說得對，還要根據泥深而決定竹之高度，如 1.8米 加 0.3米.......等。

呢個幫唔幫到你

唔該各位
請問呢本書叫乜名？買左啲書都係教種植，但種種吓愈來愈多嘢要學
同埋索帶、尼龍繩同綿線邊樣好啲？

索帶方便，唔使學打結，但唔可以重用。
尼龍繩同綿繩差不多，綿繩濕咗耐咗容易霉。
我用尼龍繩，多數可以再用。
尼龍繩有一隻圓身的，冇咁易散開，價錢一樣。

我都覺得索帶係上世紀最偉大發明之一

索帶、尼龍繩 同 綿線, 都會就日曬雨淋, 風吹搖擺要損耗/變脆...etc ... 不過我都係用呢d, 最多加包膠鐵線 (封垃圾果d or 園藝用...etc), 用包膠電線仲穩 ...

如果想做到最穩固, 用人地起樓搭棚果d膠帶, 如想再好d, 你可去 建造業訓練. 課程, 培訓機構 ... etc 上返個課程就一定得 LOL ...  

唔明共三層意思，可唔可以解釋，唔該

先將2米高竹分為低、中、高層，然後分別縳於9支2米竹的低層、再縳於9支2米竹的中層、再再縳於9支2米竹的高層，這就是三層的意思。

索帶最方便，但無法讓植物攀爬，如要索帶答穩固棚，需買較多竹支；
麻繩球最自然，最平，也能讓瓜瓜攀上高峯，值得一試；
綿繩跟麻繩作用一樣、但感覺不自然，屬次選；
尼龍繩不穩固，不建議使用。

我用舊鐵線, 最穩陣!
以前試過用麻繩(夠環保), 不過, 風吹雨打, 兩個月後開始發霉, 颱風一到就散晒!
而舊鐵線用完可以再用, 亦算環保!

外圍用包膠鐵線，內裡用麻繩可給瓜瓜攀爬

"想搭個1.8米高x1米闊x1.5米長的棚" 其實... 可唔可以清楚D, 你搭無邊 ??
自己天台/露台的種植箱 ? 社區園圃 那 1.5x1.5m  還是別的 ?

防鳥網 唔洗咁高喎 ...

四少 發表於 2012-8-28 12:28
"想搭個1.8米高x1米闊x1.5米長的棚" 其實... 可唔可以清楚D, 你搭無邊 ??
自己天台/露台的種植箱 ? 社區園 ...

之前喺社區園圃幅田係樹底,搭左高1.8m棚加防蟲網檔住啲落葉,
又搭左瓜棚,所以有好多竹剩,依家呢邊新田無位放所以要搭棚
暫時未有嘢比要爬,但遲啲要種荷蘭豆,諗住喺其中一面綁繩比佢哋爬。
幅田喺戶外,3m x 1m,我搭一半,另一半會搭個矮棚加網種菜。

之前園圃四面環樹同樓好檔風,上次十號風球都吹唔散個棚,
但依家呢度好大風,十號風球果次只係掛一號,一陣大風睇住人哋啲棚吹散,
粟米吹歪埋根都露出唻。

點評
yky_farm  圓身尼龍繩未見過,係咪好大卷,文具店有售? 我揀繩時係貪靚,見紮鮮黃色好鐘意就買左  發表於 3 分鐘前
yky_farm  圓身的尾龍繩,未見過喎,去文具舖搵吓先  發表於 20 分鐘前

唔大卷，都係幾蚊雞，我在天x行書店買。

嘩,乜原來綁繩都咁多樣可以揀,
膠鐵線可以綁得貼嗎?
我用索帶點都拉唔得貼

** 註 : 塊田唔係我租的, 只係圖片分享 **

好似咁, 前中後3行主杆, 分三行兩層, 後面再在高處伸出多一層擺放雜物.
係山上空曠地, 十號風球都吹佢唔散 (唔計倒樹壓爛)
等同晨運客自搭茶寮咁 ...

有3行, 仲有第二層可放盆栽


後加層, 可放雜物


唔係講笑, 好過 x家自組層架


十號風球之後 ... 架無事

tomtomtom  佩服，但第日清埸咪有排執？

************************

長期租客, 已經租左N多年 ... 執 ? 有的是時間嘛 . . . 螞蟻建窩咁 ... 日日執D執D ...
呀姐 好勁嫁, 種的都有得收, 菜就少D (因為無位), 不過佢D "老鼠瓜" 真係未停過收. .. . 又少虫害

tomtomtom  以為係你塊田。莫非就係傳說中的社區農圃長期租客？

--------------------------------------------

每區總有唔少長期租下, 從交談中你可得知, 查實人之常情, 種開有感情 ^ ^
呢個就要睇你有無本事抽中 ^ ^
其實 社區園圃 真係幾好玩, 咩野人都有, 聽聞有人推車仔去淋屎水 @@

塊田唔係我嫁 ...

=.= 度度要求唔同掛, 我另外一樹好似話只可高於泥面 "1米" ....