肥料要買幾多?

一陣打算返工前去上水的菜種行買種子及肥料,
試種一下..
但... 唔知買花生麩同骨粉要買幾多呢?

花生麩粉
          施於泥土後，會有搶氮和發熱的現象，如太接近植物則易燒傷，故亦應避免在幼苗期使用。如作基肥用，則最好能在施用後至少 3-5天才下種或移種。氮、磷、鉀的百分比為 7-1.5-1.5 。每平方米可施用約 50-200克。若泥土肥沃、前造尚有餘肥或作物需肥量不多時，可少施；否則，可多施。
         

          花生麩水
          將花生麩粉放入水中，讓它在缺氧環境下分解。 2-12 個月後便可使用。時間越長，熟腐程度越高，越不易燒傷植物。花生麩與水的比例約為 1:15 ，使用時，需先將液肥加水稀釋，液肥與水的比例約為 1:7 。施用後，最好能淋水以免燒傷植物。
         

         

花生麩水必須密封，以免臭味外洩。

          骨粉
          是碾碎的牛骨。如牛骨先煮過再輾碎，是為熟骨粉。如未經煮過便輾碎，則為生骨粉。生、熟骨粉均屬緩解肥，唯生骨粉較熟骨粉更慢。氮 、 磷 、 鉀的百分比 為 4-22.5-0.2 ，另有 24% 鈣。由於屬緩解，故宜作基肥用。每平方米 50-150 克。
         

咁種落左之後要加肥的話
加咩肥好呢?

睇睇係種咩野
如果種菜既，可以加氮肥
種瓜到開花結果時，可以加磷肥
唔同植物用唔同肥料，效果會更好
同咪幼苗既時候唔洗用肥，佢有子葉提供肥料　
有 d 人種野之前會落肥整肥塊田先

請問花墟有無花麩買呢?

原帖由 農夫 於 14-4-2008 17:09 發表
請問花墟有無花麩買呢?

有呀
係森Ｘ園同咪鵬Ｘ花園都見過

以前 (我唸約兩年幾前) 買左五蚊骨粉 , 五蚊花生full. 用到今時今日仲有好多. 因為每次只係用好少架咋. 而且我係用晒係成個花園既花花草草. 所以買少少有排用. 唔駛買太多. 用完再買啦.

原帖由 EddieOR 於 2008-4-14 16:55 發表
睇睇係種咩野
如果種菜既，可以加氮肥
種瓜到開花結果時，可以加磷肥
唔同植物用唔同肥料，效果會更好
同咪幼苗既時候唔洗用肥，佢有子葉提供肥料　
有 d 人種野之前會落肥整肥塊田先 ...

哦... 原來係咁大學問...
不過我唔知邊d肥係有氮, 磷呢d物質...

但係我今日晏晝去買左5蚊節瓜種子,
同埋5蚊花生麩 + 骨粉, (但係佢就咁撈埋左一袋比我...)
咁我而家應該點做呢?!

因為屋企得黑泥, 咁夠唔夠肥?
洗唔洗撈少少肥落泥先?
仲有... 我係咪應該整定支花生麩 + 骨粉水呢??

真係唔好意思, 咁多問題...
因為從未試過用呢d肥...
又未試過種農作物...

如果初初發芽時. 唔駛刻意落肥, 通常用泥發左苗先.  d花生full +骨粉水. 至少要浸兩三個月才好用. 你可以整定. 但到時到你株節瓜生得有幾寸高. 才開始每隔兩星期至三星期落一次簿肥. 可以遠離植物根位旁面既泥. 掘個hole . 埋少少. 花生full+骨粉入去. 跟住埋番個hole wor. 否則會有異味.  其實唔駛太擔心同刻意落肥住. 依家你連苗都未有. 先用苗盆或細盆. 發左d種子先. 到有兩三寸高可以移入大盆中. 咁當你移入大盆中既時候. 盆低可以加少少簿肥再mix d泥入盆.  咁樣都得. (因為我會咁樣做) . 上年我共落左約三次肥左右. d節瓜都好肥美了. 身體有8-9寸粗. 記緊不要以為不停落肥才會肥美. 有時反而落得過多. 反而害左株植物架. 勁得制丫嘛. 所以唔駛太心急.  同埋你可以準備d蛋殼. 磨成粉. 用來做肥都一樣好好的. 冇花生full咁傷根. 但都習慣. 落肥. 遠離植物的根部.

原帖由 sandy 於 2008-4-15 12:24 發表
如果初初發芽時. 唔駛刻意落肥, 通常用泥發左苗先.  d花生full +骨粉水. 至少要浸兩三個月才好用. 你可以整定. 但到時到你株節瓜生得有幾寸高. 才開始每隔兩星期至三星期落一次簿肥. 可以遠離植物根位旁面既泥. 掘個 ...

原來雞蛋縠都可以做肥料
駛唔駛洗乾淨先整碎?
定係d蛋白都有用架?

要覆土來用,不然很大味道,腐臭味
多用在田,
用量不多,家中盆栽用有機粒肥,已發酵方便使用得多
用花生麩水建議浸制1年以上,等其更醇化,不然使用時要極通風,因味道也是很利害

原帖由 農夫 於 2008-4-15 12:30 發表

原來雞蛋縠都可以做肥料
駛唔駛洗乾淨先整碎?
定係d蛋白都有用架?

雞蛋殼. 有時會生有時係熟. 跟住洗淨. 乾水後. 放入焗爐焗 5-10mins 180度 待涼後打碎待用. 我通常會整定一樽待用. 因為雞蛋粉. 寵物一星期食用一次都好有益. 鈣質豐富嘛

原帖由 sandy 於 2008-4-15 14:37 發表


雞蛋殼. 有時會生有時係熟. 跟住洗淨. 乾水後. 放入焗爐焗 5-10mins 180度 待涼後打碎待用. 我通常會整定一樽待用. 因為雞蛋粉. 寵物一星期食用一次都好有益. 鈣質豐富嘛 ...

請問貓貓食唔食得?

原帖由 農夫 於 2008-4-15 14:43 發表

請問貓貓食唔食得?

呢方面我唔清楚.但我知狗一定得. (其實都係屬於添加品, 一個WEEK只食1TBSP就夠) 可能貓貓分量可以少D)

原帖由 sandy 於 2008-4-15 14:37 發表


雞蛋殼. 有時會生有時係熟. 跟住洗淨. 乾水後. 放入焗爐焗 5-10mins 180度 待涼後打碎待用. 我通常會整定一樽待用. 因為雞蛋粉. 寵物一星期食用一次都好有益. 鈣質豐富嘛 ...

整定一樽都幾好bor! 可以儲起又唔怕滋生蚊蟲, 等我都試下先!