未看見龍, 想起3國-你最喜愛的章節

三國演義-你最喜愛的章節 (多選)

我無睇過羅貫中既三國演義, 但相信好多人就算無睇過書都睇過電視電影甚至電視游戲等。

赤壁之戰就快上映, 而見龍又已經上畫了, 將會掀起一股3國熱

我對中國歷史一知半解(人懶), 但打機就上腦
雖然如此, 但我好記得老師形容夏候將軍吞眼, 係0系眾多回中小故事裡最深刻的一個scene

眾多人物中我較喜歡孔明, 不是他智慧過人, 而是他忠心且惻隱。


請問有無人可以以比較白話文解釋一下第百二十回既呢段野...

       高祖提劍入咸陽，炎炎紅日升扶桑﹔
        光武龍興成大統，金烏飛上天中央﹔
        哀哉獻帝紹海宇，紅輪西墜咸池旁！
        何進無謀中貴亂，涼州董卓居朝堂﹔
        王允定計誅逆黨，李倔郭汜興刀槍﹔
        四方盜賊如蟻聚，六合奸雄皆鷹揚：
        孫堅孫策起江東，袁紹袁朮興河梁﹔
        劉焉父子據巴蜀，劉表軍旅屯荊襄﹔
        張燕張魯霸南鄭，馬騰韓遂守西涼﹔
        陶謙張繡公孫瓚，各逞雄才占一方。
        曹操專權居相府，牢籠英俊用文武﹔
        威挾天子令諸侯，總領貔貅鎮中土。
        樓桑劉備本皇孫，義結關張愿扶主﹔
        東西奔走恨無家，將寡兵微作羈旅﹔
        南陽三顧情何深，臥龍一見分寰宇﹔
        先取荊州后取川，霸業圖王在天府﹔
        嗚呼三載逝升遐，白帝托孤堪痛楚！
        孔明六出祁山前，愿以只手將天補﹔
        何期歷數到此終，長星半夜落山塢！
        姜維獨憑氣力高，九伐中原空劬勞﹔
        鐘會鄧艾分兵進，漢室江山盡屬曹。
        丕睿芳髦才及奐，司馬又將天下交﹔
        受禪台前云霧起，石頭城下無波濤﹔
        陳留歸命與安樂，王侯公爵從根苗：
        紛紛世事無窮盡，天數茫茫不可逃﹔
        鼎足三分已成夢，後人憑吊空牢騷。

[ 本帖最後由 gtrnismo 於 2008-4-10 16:50 編輯 ]

其實本書係好好好睇架.
水母最愛看關羽哥未死前的章回, 後來得番孔明一個幫少主阿斗時就覺得不是味意. 英雄死剩孔明佢一個, 可孤單.

原帖由 kim 於 2008-4-10 17:56 發表
其實本書係好好好睇架.
水母最愛看關羽哥未死前的章回, 後來得番孔明一個幫少主阿斗時就覺得不是味意. 英雄死剩孔明佢一個, 可孤單.

kim好犀利,咁深奧嘅書唔係好啱睇,文學作品(包括中文,英文)都興趣不大

[ 本帖最後由 prodorothyhkg 於 2008-4-10 18:36 編輯 ]

頭兩句係典故，都係講漢朝輝煌歷史

高祖提劍入咸陽，炎炎紅日升扶桑
高祖=漢高祖劉邦，當日殺入秦朝首都咸陽，就如太陽升上天上，光照大地
        
光武龍興成大統，金烏飛上天中央﹔
光武=漢光武帝，打敗了作亂的王莽，令漢再次統一中興，亦像太陽升天一樣帶來希望(金烏=太陽)

哀哉獻帝紹海宇，紅輪西墜咸池旁！
但很悲哀，到左漢獻帝時，漢室衰落，像紅日掉入水中失去希望

何進無謀中貴亂，涼州董卓居朝堂﹔
何進(漢大將軍)無謀治亂，國家因而大亂，涼州的董卓得以把持朝政

王允定計誅逆黨，李倔郭汜興刀槍 (以下的人名都是漢朝的朝臣)
王允想辦法誅除亂黨，李倔、郭汜則趁機起兵

四方盜賊如蟻聚，六合奸雄皆鷹揚：
各地賊黨乘機聚合作亂，國內的奸雄則學想趁亂掌權

孫堅孫策起江東，袁紹袁朮興河梁﹔
劉焉父子據巴蜀，劉表軍旅屯荊襄﹔
張燕張魯霸南鄭，馬騰韓遂守西涼﹔
陶謙張繡公孫瓚，各逞雄才占一方。
這幾句都係講不同人在不同地方集結勢力，不多解了

曹操專權居相府，牢籠英俊用文武﹔
曹操以宰相身分把持權力，強迫有能之士成為他的"馬仔"

威挾天子令諸侯，總領貔貅鎮中土。
他挾天子以令諸侯，且把握中原兵力

樓桑劉備本皇孫，義結關張愿扶主﹔
劉備本係漢室皇孫，跟關羽、張飛結義，扶助漢帝

東西奔走恨無家，將寡兵微作羈旅﹔
劉皇叔無根據地，兵力又少，只好東奔西走辛苦經營

南陽三顧情何深，臥龍一見分寰宇﹔
以三顧草蘆的恩情打動了諸葛亮後，得到他的扶助立即勢力大增

先取荊州后取川，霸業圖王在天府﹔
先取荊州後取蜀川，在那裡圖謀霸業

嗚呼三載逝升遐，白帝托孤堪痛楚！
可惜劉備死去，霸業未成便要在白帝城托孤，實在令人悲痛

孔明六出祁山前，愿以只手將天補﹔
孔明六出祁山，希望以個人之力協助蜀國存活下去

何期歷數到此終，長星半夜落山塢！
可是時候到了，最終諸葛亮還是病死軍中…

姜維獨憑氣力高，九伐中原空劬勞﹔
諸葛死後，姜維繼承其志，九伐中原未有成績，只令自己奔波勞累

鐘會鄧艾分兵進，漢室江山盡屬曹。
後來鐘會、鄧艾分兵進擊，漢朝到此氣數盡，國土被曹操佔據了

丕睿芳髦才及奐，司馬又將天下交﹔
之後曹氏一族掌權(曹丕、曹睿等一直到最後的曹奐)，最後天下又被司馬懿奪去了

受禪台前云霧起，石頭城下無波濤﹔
呢兩句唔係好知點解，大概都係指一時烽煙四起，一時就風平浪靜，指政局不定
        
陳留歸命與安樂，王侯公爵從根苗：
呢兩句都不是很知點解，但肯定指三國盡歸司馬氏
        
紛紛世事無窮盡，天數茫茫不可逃﹔
世事就是如此紛亂無窮盡，但天命早已註定，無何人也難以逃避
        
鼎足三分已成夢，後人憑吊空牢騷。
三國鼎立的一段歷史已如夢般過去，後人憑吊歷史的人和事時，只能留下一些牢騷吧了…

呼~~好鬼長…但既然有人有興趣知，我推動中國文學文化係不遺餘力既
但學藝未精，見諒﹗

其實我最鐘意諸葛亮死前最後一次巡視軍營果段…但又唔算係六出祁山，所以無得選，只好選赤壁戰

[ 本帖最後由 遙日 於 2008-4-11 00:08 編輯 ]

原帖由 遙日 於 2008-4-11 00:03 發表
頭兩句係典故，都係講漢朝輝煌歷史

高祖提劍入咸陽，炎炎紅日升扶桑
高祖=漢高祖劉邦，當日殺入秦朝首都咸陽，就如太陽升上天上，光照大地
        
光武龍興成大統，金烏飛上天中央﹔
光武=漢光武帝，打敗了作亂的王莽，令漢再次統一 ...

但先謝謝你

然後再佩服你, 西利, 句句都翻譯倒wor

應該講註釋吧....10個0力

我再慢慢看

四大名著中最受歡迎既應該係三國演義呢

襲人最喜歡孔明
赤壁個章最精采....舌戰群儒,草船借箭,火燒連環船,借東風....等等

遙大好利害....成段都譯做白話

遙日~ 你係得既~
送三個叻俾你啊~

大家過獎了…我無野叻，英文屎到死，係識多幾隻中文字咁啦…
其實我都唔係成句譯，成句逐字譯會悶到花都枯埋…
所以只係講左個大意出來，
而且我都未必全部字都識解，不過文學呢家野，除非你係做研究
否則明個意思都得架啦

不過我想問襲人…
睇你個名，唔係應該最鐘意紅樓夢咩﹗﹗
你好鐘意賈寶玉架？

紅樓夢當然係最鍾意啦~
不過紅樓入面我最鍾意唔係寶玉...而係黛玉
仲有晴雯同襲人
四大名著我不愛水滸咋

你叫襲人，我仲以為你想做寶玉個貼身侍婢添﹗

四大小說我都係淨係唔鐘意水滸傳…雖然西遊記我都唔係咁鐘意唐三藏…不過整體係ok既
我應該係最鐘意三國啦﹗紅樓都鐘意但無話特別鐘意邊個，可能我最鐘意係大觀園…

叫襲人係因為喜歡襲人做事既態度^^

西遊記我係覺得個唐三藏...成日累街坊
好聽D叫善心...好聽叫濫好人
不過個故事OK,主線好分明^^

遙大你好貪心喎...
大觀園係豪宅又有得種野又有得玩.....

好中國文學呀
我呢D見倒本書都會半死
但打機又好好記性記晒3國D人

娃...你兩位大大大讀文科架? 好西利

我想問點解電視成日做金庸, 有無做過紅樓夢?

無錯﹗我係文科人﹗專攻中國文學

大陸廿幾定三十幾年前好似拍過…
最近好似又想重拍？

香港唔拍紅樓原因…
1. 紅樓太精深，裡面無論建築、飲食、衣著…全部都好講究，香港電視台拍鬼到咩？我唔想見到d無記女明星，求其拎住把掃把就話係林黛玉葬花﹗

2. 淨係大觀園個勁大的場景，香港都已經無條件拍啦…人地當年大陸起成個大觀園來拍架

3. 入面美女太多，而且全係想像中的美女，無論搵邊個拍都一定俾人勁踩，正如金庸作品d女俠，各有各想像，好難搵到0岩既人拍架…無記拍咪又係來來去去果幾個女明星﹗諗起都唔想睇…

4. 紅樓個情節又唔係好似d通俗或武俠小說咁多曲折，佢最精彩係對小說中各項細節的描寫，拍成電視恐怕都會幾悶，日日睇住賈寶玉同班美女食飯吟詩睇戲玩樂…雖然情節發展較慢，但佢個內容其實又好豐富喎，要拍都好鬼難拍

5. 無記舊年個節目巡禮好似有話會拍紅樓？(專講玉熙鳳)，但後來無左下文啦…

6. 見識過無記拍的西遊記、封神榜……甚至金庸，改到阿媽都唔認得，唯一係d人名同原著相同囉…佢都係唔拍好過拍啦

至於點解成日拍金庸…不如你去志雲焗飯度問下﹗
可能同金庸買斷左版權，拍幾多次都唔駛俾版權費0瓜？

我媽媽話拍過兩次
一次係哥哥做寶哥哥,毛舜筠做林妹妹
另一次係林青霞做寶哥哥,張艾嘉做林妹妹.....

男主角都OK...但係...兩位林妹妹我就完全想像唔到= =+

大陸好以前幾年有翻拍過,我見過有VCD

仲有紅樓主要都係講貴族D生活,寶玉同眾女生係大觀園既生活,除左場面浩大華麗之外,仲有D對白要好古典先合乎原著內既精粹,不過對師奶們就會覺得好悶囉....

寶黛D內心戲唔少,不過成日相對無言又淚眼相對咁....考起D演員架

唔拍紅樓既原因除左場景既問題之外,我都覺得應該係演員既問題....
試想像一下以下情況:

一個三十幾就四十既男人做十六七既寶玉....
一個三十幾既女人做十五六既林妹妺....
一班比得上"如花"既女人做眾丫環....
圓X學院做大觀園....
求求其其D外賣中菜就當係貴族既晚飯....
小貓三兩隻就當係妃貴出宮省親....

諗起都覺得唔想睇啦....

至於查大俠既小說,因為通俗多人識又唔會悶所以先拍咁多
不過近年來香港都無拍過
因為查先生唔想賣版權比無記,拍佢地改到唔知似咩....
黃易同溫瑞安個D....好似遲D就有得睇
不過我唔太睇好...

[ 本帖最後由 襲人 於 2008-4-11 18:59 編輯 ]