關於蟎/棉花蟲/害蟲的問題

又爬文爬左一段時間
見到關於害蟲嘅post都係見到蟎/棉花蟲生長喺泥土，要救植株都係要斬根+消毒+換泥
咁係咪即係以上所講嘅蟲害都係由泥土引起？

假設我買左一包新嘅泥返黎，淋漂白水，再曬佢幾日。然後買一盤新嘅av返黎，用終極換泥法換泥+消毒，獨立咁種呢盤av於室內唔接觸其他植物，係咪就唔會感染到嗰啲害蟲呢？
還是無論如何，呢啲害蟲都可以au下au下咁au出黎呢？

如果我嘅av係水種的話，咁係咪可以大大減低受蟲害嘅機會呢？

先多謝各位大大解答新手咁多嘅"假設性問題"啊~~

咁做法就真係very good la.

BRONNLEY您真系一位勤力好学嘅花友，先爬文再發问，要讃一讃。

saolan 發表於 2012-3-14 15:20
BRONNLEY您真系一位勤力好学嘅花友，先爬文再發问，要讃一讃。

多謝讚賞呢~~~

新手怕中蟲蟲唔知點算丫嘛，與其生蟲之後手忙腳亂，趁住而家做返隔離/換泥都未算太遲，所以要問清楚先

用漂白水浸似乎嚴重咗, 而恐怕很難過得清. 如果用三合一植料或發叔的珍藏岩, 很少會有蟲, 真的要做到萬全, 可以將植料高溫焗或用微波爐丁.  不過很少花友會這樣做.

棉花蟲和蟎是接觸傳染而來, 反而提意新買回來的AV以終極法換泥便可.  當然新入伙的AV要消毒後才可和其他AV放在一起.

比得大帝 發表於 2012-3-14 16:25
用漂白水浸似乎嚴重咗, 而恐怕很難過得清. 如果用三合一植料或發叔的珍藏岩, 很少會有蟲, 真的要做到萬全,  ...

言下之意，即係用三合一植料/發叔嘅珍藏岩種自己親手由修葉浸根嘅小苗而冇同其他盤栽接觸，基本上呢棵av就好少機會中蟲喇噃。

真係好驚中蟲呢，雖然要中過就會識得處理，不過如果事前可以盡量避免到就做嘛，始終好靚嘅花中蟲如果救唔返就好徙了。

蟎/棉花蟲兩隻都係好難醫治，種開AV既花友見到怕怕。

杀虫水有毒，终極換泥法也太大陣杖了，只要在泥中加点硅藻土，萬一感染了虫虫也会自然死去，对植株無害。

Nomen 發表於 2012-3-16 02:27
杀虫水有毒，终極換泥法也太大陣杖了，只要在泥中加点硅藻土，萬一感染了虫虫也会自然死去，对植株無害。 ...

請問硅藻土可以係邊度買? 一般花店就有?

謝謝

一般花店是没有的，在化学试剂店可以買到，掏宝网也有，但要注意硅藻土要土乾時才发揮效用，因此要土乾了才澆水，如果虫虫在葉上，要把硅藻土喷在葉上。