尼泊爾同事 a 講嘅奇怪事 pt.2 鬼鬼怪怪

第二日又同同事 a 一齊食晏...
我: 你尋日又話仲有D古怪經歷o既!? 講黎聽下!
a: 等我諗下先!
我: 嘩 ~ 多到要諗呀!?
a: Shut up!
我: 又有怪物!? 定鬼故呀!?
a: 係啦! 首先講下我爸爸果件先!
我: 好呀!
a: 有日黃昏, 我爸爸又放完羊行返屋企...
果日o岩o岩落毛毛雨, 天色好暗...
我: 佢响河邊見鬼呀!?
a: No no no! 係沿住返屋企條石路!
佢見到响佢前面無幾遠, 有個人著住白色長袍一路行緊...
不過...
我: 不過乜呀!?
a: 不過我爸爸話見到佢對腳無著鞋...
對腳仲係反轉左去身後面, 姐係腳指方向係响身後面嫁...
我: 下 ~ 係咪果D天生畸形腳o既人黎嫁...!?
a: 唔係啦! 我爸爸行快小小接近佢睇真d,
後側面見到果個"人"d 胸骨响心口插晒出黎, 仲有d腸流左出黎嫁...
佢一路向前行一路向前行, 我爸爸都嚇到企左响處,
等佢行左樹叢消失左先跑返屋企!
我: 嘩! 咁佢有無嚇到病呀!?
a: 咁又無喎! 條村好多人都見過嫁啦!
恐怖!
我: 咁你有無見過呀?
a: 更係無啦! 咁恐怖...
不過黎左香港發生左一件事! 到而家都好驚!
打冷震!
我: 就夠鍾上返去廚房啦! 快D講啦!
a: 我同我老公結婚之後就响西環租左單位...
有一日我老公返左工, 得我仲响處瞓覺.
瞓醒去刷牙洗面... 點知一行出房門口就開始聽到d喊聲...
有時好遠有時响耳邊咁...
我: 男人定女人黎嫁!?
a: 女人! 老女人!
我行到入厠所, 今次真係响我耳邊喊啦!
我好驚, 嚇到我雙手冚住耳仔, 一路喊一路衝出去廚房...
我: 咁你見唔見到隻鬼呀!?
a: 無呀! 剩係得把喊聲! 冚住耳仔都無用!
佢跟到我衡返入房, 我好驚咁喊住打電話比我媽叫佢快D黎...
我: 佢住得好近?
a: 係呀! 同我弟弟住隔離楝大廈姐嘛!
我: 咁隻鬼最後都無現身呀?
a: 無呀! 我用張被包住自己佢仲一路係咁喊!
跟住我焗到成身濕晒, 好暈好暈咁失左知覺...
跟住比我媽媽拍我先醒!
覺得隻手揸住左D野... 張開黎睇原來係一執頭髮!
我: 哈哈! 你驚得滯掹左自己d頭髮出黎唔知炸!
a: 唔係啦! D頭髮白色嫁...
跟住我媽媽話, 尋晚收到你呀姨長途電話,
話婆婆o岩o岩過左身! 可能佢掛住你, 專登黎睇下你囉!
我: 嘩! 咁唔見好過見啦!
a: 尼泊爾有d傳說係話, 如果有親人响外地,
佢地過左身o既親人都會去通知佢地嫁!
我: 通知都唔好咁囉! HAHA!
R: 你地食完飯拿?
我: 係呀! a o岩o岩講完佢d鬼故比我聽!
你有無怪事可以講比我知呀?
R: 有呀!
a: 夠鐘上去啦! 一陣比人鬧唔關我事!
我: R 天日同你一齊食晏!
R: 好! See you!

< 待續 >