本帖最後由 rrr888 於 2011-7-9 09:28 編輯
睇到你個帖名, 已經有啲想喊. 我隻13歲老貓. 個幾月前病咗, 睇第一個醫生唔得. 再去睇第二個醫生, 點知做咗好多test都束手無策(心臟病, 嚴重水腫, 導致氣速), 醫生都話唔好同佢開刀, 只係開咗少少睇吓幫唔幫到佢. 日子只有倒數. 我真係諗唔到自己做人都唔係日子短吖, 呢啲生離死別嘅嘢應該頂得住. 點知喺診所度喊到幾樣衰!!! 因為我呢隻貓真係好抵死架. 識好似狗咁俾手我, 識睇手勢指令, 見到出便有貓打交, 會同我一齊追出去(我解圍, 佢就想幫拖). 見到狗, 俾人吠, 仲會唔識死咁同佢對峙. (有次1對4都面不改容). 仲記得有次廚房廚柜內的水喉管斷咗漏水, 我喺廳, 听唔到, 但我見佢豬事八掛咁裝裝吓, 因為佢知自己唔入得廚房. 好彩有佢, 如果唔我應該去咗瞓覺, 屋企實水浸. 一幕一幕............. 當晚我記得自己回家同隻貓講: 「你效力咗我咁多年, 互相咩都還哂架喇! 你下世唔好再做畜牲喇!」.........點知.......個悲劇悲唔哂. 佢之後奇蹟咁冇事照樣食瞓玩. 原來大家仲未緣盡.............. |