新手種薄荷 & 辣椒 - 問題篇~ ^^

有幾個問題想問問各位勁人~~~

1. 我係網上向人買種子的, 種子買左返黎, 灑係泥之前, 有冇咩特別處理架? (我見唔少人將d辣椒種子放係濕棉花上面既...)
2. 手頭上有(a)種子; (b)花盆; (c)有機泥; (d)有機肥料 - 我應該點樣做呢? (e.g.將所有泥 + 肥料放落花盆撈暈, 然後將種子平均舖係面, 再淋水...?)
3. 薄荷 & 辣椒幾時知道要淋水架? or 每日定時淋到泥濕就ok?
4. 我屋企無窗台/露台呀, 只係室內種, 聽聞香草植物需要好多陽光, 我屋企又向西的....請問可以點算呀??
5. 聽聞有人話種辣椒會有蚜蟲, 係唔係一定有架?? 好擔心...
6. 屋企人成日都擔心用泥種野會惹蚊呀, 呢2種香草會惹嗎? 如會可以點樣防止惹蚊呢? (亦聽說惹蚊既只因積水過多...對嗎?)

希望快d有人覆啦~~~

thx!!!

你都幾杞人憂天wor....

1. 大部份香草種子都不用特別處理, 除了辣椒(它不是香草). 直接落泥得了, 最緊要季節ok
2. 放少少泥落盆先, 然後鋪少少肥(落幾多你自己研究, 少好過多, 同埋你未必要落肥) , 再鋪多多泥, 然後淋濕d泥, 再落種子, 再鋪少少泥(1cm左右), 再噴濕d泥

3. 泥面乾晒就可以一次過淋到個盆底漏水, 然後再等到下次d泥又乾晒
4. 向西都ok啦, 好熱架, 大部份香草都應該ok ge......最易生果d一定冇問題. e.g:羅勒, 薄荷, 到手香等等
5. 咩香草都有機會中招, 自己執生啦, 預防的方法係比一個通風d的環境佢地
6. 只有積水先會多蚊, 花盆落的水你得閒倒左佢啦, 同埋唔好落d未compost完的有機物, 例如雞蛋殼
我建議你用d鬆d的泥, 出水會快d

辣椒我都種緊...係罐頭連種子一set的=>朱古力辣椒黎
發出6粒芽..依家d苗都3-6cm高,我第一次種...都好易
多謝提供種辣椒知識~
但係....唔知點解有一粒好似係蕃茄...依家都點算...屋企太細...應該種唔倒~
><..

多謝gunbuster363賜教
係呀, 無法, 多年前試過種野, 種親都死, 可能我唔識方法...而家重新想種野個陣, 擔心勁多囉, 哈哈

小野貓~
嘜原來有品種叫「朱古力辣椒」??
到底係d味入面有朱古力味, 定係個樣似朱古力...?

想問問...

係唔係摸到泥面乾乾地, 就可以淋水架喇?
係咪淋到下面滴水咁先叫ok? 定係搵噴壺噴濕泥就ok?
需要直接放係陽光下曬嗎? 還是只需要唔係關上窗簾就ok?

thx! ^^

donnaho7 發表於 2011-7-12 21:29
想問問...

係唔係摸到泥面乾乾地, 就可以淋水架喇?

我唔知喎...但我d辣椒依家有7cm高啦
我放左係窗邊..我屋企向西架...下午好太陽,
我每晚淋水...因為d泥好疏水....佢都幾受得水
我今個星期六或者日都要幫佢換盆啦~
好似好容易照顧咁...

薄荷就出左芽仔喇!!
但...辣椒似乎...唔肯出黎....唔通一定要曬到太陽先work....?

辣椒度單位係[史高維爾指標]

小野貓 發表於 2011-7-12 22:38
我唔知喎...但我d辣椒依家有7cm高啦
我放左係窗邊..我屋企向西架...下午好太陽,
我每晚淋水...因為d泥好 ...

請問要落肥料? 用什麼好呢?

donnaho7 發表於 2011-7-8 12:21
多謝gunbuster363賜教
係呀, 無法, 多年前試過種野, 種親都死, 可能我唔識方法...而家重新想種野個陣, 擔心 ...

嘩, 我好想試下!!! ^0^