之前睇過依本書一次,都只係睇,今次翻睇後打算實踐一下裡面教既一招三式。(好似武俠小說咁播,仲有埋心法添)
一招三式︰1.早睡早起 2.敲膽經 3.按摩包心經
心法︰1.不發怒 2.保持腸道清潔
心法就一直都做緊,早睡早起己經係我習慣,無難度。要做既只係敲膽經同按摩包心經。
於時昨晚敲膽經,原來雙手會好累,我無跟足敲咁多下,因為敲既同時玩緊網上打麻雀,所以無數。我只係用按摩鎚敲到佢發熱,而且都敲到有痛點。力道一定夠,而且有感覺,只係敲既次數無跟足。雖然跟住圖唔洗搵穴位,不過敲完雙手好累。
望一望包心經D穴位名,要搵穴位喔…算把喇…聽日慢慢搵左先按啦…..
點知,訓到半夜醒左,跟住就慘喇,蓋被好似火燒咁,唔蓋被又凍會冷親,結果將屋企既大被小被厚被薄被全部出動都係攪唔惦,典黎典去訓唔到。死喇…失眠,忽然想起中里老師本書有人問過敲膽經後失眠點處理。
起身睇書,書裡面話,敲膽經一定要同時按摩包心經同埋肝經既太沖穴,如果唔係會上火。唯有乖乖去搵本書出黎,慢慢搵穴位去按,按完訓番落去,真係訓得著。
唉!想偷下懶都唔得。
-----------------------------------------------------------------
摘錄自[求醫不如求己----中里巴人著]
答︰一定要配合按心包經和肝經的太沖。敲膽經可以調理肝膽,但若線路有瘀滯就會火旺,配合按摩那兩個經絡,可以保持經絡順接暢通。而23點至零晨1點不要敲膽經,容易導致肝火大而失眠。 |