本帖最後由 cklife 於 2010-7-9 11:37 編輯
我未用過魚藤架. 點用架?? 邊度可以買到呢?
毒唔毒到人架??
我棵薄荷而家要早晚同佢捉呀. ...
小美 發表於 2010-7-9 08:57
魚藤係有機菜檔個伯伯教我用架...果時...迷迭香有小隻紅色蜘蛛....買開菜咪順便問下伯伯點算囉...
佢即刻攞左幾枝送比我..教埋我用...之後我見乜虫都係用佢...不過係天台有養魚...所以要小心唔好毒死埋D虫...
後來我多數去深水埗果邊既菜種行買....近來見到花墟都有得賣...間舖叫(興業連氏)...係向住中學果一面既...間野你可以去睇下...D野唔平..但依度D人成日講果D肥料同農藥我都見到有得賣(即係三兄果D)...店員態度又OK...我去花墟比去元朗方便咩..貴D就貴D囉..
魚藤..佢無實際用量比我架....都係斷估..
買番黎好似樹枝咁...將佢CUT到大約12CM長..一枝..方便收蔵
蒸餾水樽係個蓋度拮D洞....將3-4枝魚滕放入去(粗細可以分別好大..自己斷估)
浸佢一日...戴上眼鏡(保護眼睛),拎出一支魚滕用鎚仔敲下佢...佢會有白色汁,放番入水樽,浸多半日..等D汁出多D黎...
蓋上蓋...咁個樽蓋有洞洞架嘛...你就當佢花灑用...淋係D植物度囉....(唔好中午淋葉片..有太陽曬會燒傷)
我一般係下午太陽落山就淋下.....淋完又會裝番D水第二日再淋..淋到佢唔再出白色汁...就掉左D魚藤囉...
蚊滋仔..蜈蚣...不知明虫虫...好多虫都會死...似乎都幾毒下....
買番黎CUT短佢..收埋佢...記住佢係毒藥黎架...收好D呀
敲魚藤既獨立工具,記得洗手呀...
=================
漁農自然護理處資料摘錄
防 治 害 蟲 對 象
蚜 蟲 、 狗 虱 仔 、 斜 紋 夜 蛾 幼 蟲 及 所 有 青 蟲 均 有 效 果 。
安 全 性
魚 類 對 魚 藤 的 毒 素 十 分 敏 感 , 故 避 免 在 魚 塘 附 近 施 用 。 濃 度 高 時 對 人 畜 均 有 害 。 由 於 其 水 溶 性 強 , 故 極 易 被 吸 收 , 蔬 菜 採 收 前 七 天 必 須 停 止 施 用 。 榨 汁 和 施 用 時 , 要 注 意 安 全 , 佩 戴 手 套 。 如 被 魚 藤 水 濺 入 身 體 敏 感 部 位 例 如 眼 睛 , 應 立 即 用 大 量 清 水 沖 洗 。施 用 時 間避 免 在 猛 烈 陽 光 下 使 用 。 在 黃 昏 或 早 上 陽 光 未 照 到 菜 田 之 前 施 用 最 理 想 。 雨 天 不 宜 噴 藥 , 同 樣 道 理 , 噴 藥 後 亦 不 宜 立 即 灑 水 灌 溉 。
與 其 他 除 害 劑 混 合 使 用
魚 藤 能 與 大 部 份 有 機 或 環 保 除 害 劑 混 合 使 用 , 但 生 物 性 除 害 劑 如 昆 蟲 病 原 線 蟲 則 不 可 與 之 混 合 使 用 。
查 詢如 有 查 詢 , 請 致 電 2679 4354 或 2668 0297 , 傳 真 2679 5443 與 植 物 保 護 組 聯 絡 。漁 農 自 然 護 理 署 植 保 組
|