金毛狗蕨可以係邊到買到？

我有後又潮又陰既後花園
想種下金毛狗蕨
請問各位師兄可以指教下係邊到買先岩？

樓主就好啦!!有後花園........ 好彩本宮都有個小花曹! (居屋嗰d呢!)

啦! 金毛狗呢都係本宮鐘意嘅植物之一. 行左花樝咁耐, 本宮嘅大眼發現2個地方有得賣, 唔知叫咩名:

(1) 香島/明一對面路個間~ 即係個間半夜11/ 12點都唔收檔, d花(多為盆景)由街頭擺到街尾擺埋個corner位嗰檔呢! 唔係成日返貨架!! 有次見到冇買,隔幾日就冇晒啦!!等左幾個月先再見到有3舊係地下 (可能其間有小心留意啦), 就即刻買左啦!

(2) 花墟前街後頭, 金"倫"校服鋪前~ 最鐘意擺係校服鋪前面嗰檔! 見過一舊舊嘅小狗直插係泥盆度賣. 本宮認為lee 檔嘅小狗廋同幼同細左d.

去睇下啦!! 有緣就會見到架啦!!

因為我係城門水塘見到d金毛狗生到好大
我都想種到咁大係後花園到
原來D兩間會有機會有得賣
大約賣幾錢到架？
唔該晒你先！

本宮買左的50, 其實唔知平定貴, 不過覺值得囉!
第二嗰間唔知喎!! 樓主要自己問下啦!

話時話都未試過係香港見到過金毛狗或者觀音坐蓮咁上下嘅大型芒, 真係少行山啦!!要多d接足下大自然先!!

成日都諗一樣嘢, 點解有學會/團體會約埋一齊去露營, 睇蝴蝶, 釣魚.... 就唔會搞一d野外探索咁上下嘅嘢呢??(唔係三行鐵人嗰d). 鐘意芒嘅淨睇芒, 咁唔係幾好咩?? 約身邊嘅朋友, 有幾多個又有邊位同你有同一嗜好??.....純粹發洩一下啫!

容易見得到，好易被人取左去賣架！
所以好難見得到

香港地方較少，種到大型植物既人更加少
自然無咩植物觀念
你睇花墟賣既野就知喇
又貴又細！